19 Tetor 2021

Qëndrimi i BE-së ndaj Serbisë dhe Kosovës,i pandryshuar

Beograd, 2 prill - Komisioneri evropian për zgjerim dhe politikë ndaj fqinjëve, Stefan Fyle ka deklaruar se qëndrimi i Bashkimit Evropian sa i përket integedrimit të Serbisë dhe çështjes së Kosovës ka mbetur i pandryshuar.

"Nuk do t´i lidhim këto dy çështje. Çështjet bilaterale duhet të zgjidhen paralelisht me integrimet evropiane para hyrjes në BE", ka thënë Fyle në një intervistë për gazetën beogradase "Politika".

Por, Fyle ka shtuar se cilido vend që synon t´i bashkohet BE-së "duhet të demonstrojë se ka marrëdhënie të mira me fqinjët e tij, të bazuar në bashkëpunim, tolerancë dhe mirëkuptim të ndërsjellë".

Ndërkaq, në lidhje me deklaratat e zyrtarëve serbë se midis anëtarësimit në BE dhe Kosovës, ata do të zgjedhin këtë të dytën, Fyle tha se nuk beson se dikush të ketë kërkuar nga ata që bëjnë këtë lloj zgjedhjeje.

"Ne dëshirojmë të përfshijmë tërë Ballkanin Perëndimor dhe të ofrojmë perspektivë evropiane për tërë rajonin. Presim që të gjithë aktorët të zgjidhin çështjet e tyre kontestuese në frymën evropiane", është shprehur Fyle.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)