18 Gusht 2022

Prokurorja e EULEX takon Ina Ramën lidhur me raportin e Martit

Tiranë, 18 janar - Prokurorja e Përgjithshme e Republikës së Shqipërisë, Ina Rama zhvilloi një takim me një delegacion të Prokurorisë Speciale të Kosovës, të kryesuar nga Kryeprokurorja e EULEX, Isabelle Arnal dhe nga zëvendësprokurorja, Sevdije Morina.

Gjatë këtij takimi, të kërkuar nga Prokuroria Speciale e Kosovës, u diskutua lidhur me konkluzionet e raportit të hartuar nga raportuesi i KiE, Dick Marty, si dhe për akuzat që ngrihen në këtë raport  të cilat vendosen në territorin e Shqipërisë.

Qëllimi i takimit ishte hartimi i një strategjie për bashkëpunimin për të ardhmen midis dy institucioneve në hetimin e këtyre akuzave dhe bashkërendimin e veprimeve hetimore.

Prokuroria Shqiptare, përveç detajeve teknike, ofroi bashkëpunimin e saj për hetimin e tyre në bazë të kërkesave të Prokurorisë speciale të Kosovës, gjithmonë në përputhje me kuadrin ligjor të Republikës së Shqipërisë.

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)