18 Gusht 2022

Parlamenti Evropian diskutoi për zgjedhjet në Kosovë

Bruksel, 18 janar - Në zgjedhjet e dhjetorit dhe në rivotimet e janarit në Kosovë, janë vërtejtur përmirësime teknike, por ka pasur edhe lëshime serioze dhe mosrespektim të rregullave zgjedhore, u dëgjua gjatë diskutimeve në Komitetin për politikë të jashtme të Parlamentit Evropian në Strasburg.

U dëgjua edhe vlerësimi se zgjedhjet në Kosovë nuk ishin sipas standardeve ndërkombëtare.

Në fjalimin e saj, Urlike Lunaçek, shefe e delegacionit vëzhgues të zgjedhjeve në Kosovë, ka tërhequr vërejtjen për mashtrime gjatë numërimit të votave dhe kërcënime.

Ajo ka përmendur se edhe përfaqësues ndërkombëtarë në Kosovë, po kërkojnë që të formohet qeveria e “duarve të pastra”, që do të thotë pa personat, që janë nën hetime.

Zonja Lunaçek tha se “cilat do parti që të vijnë në qeveri, në Kosovë duhet të ketë ndryshime”.

Anëtari i Parlamentit Evropian, Eduard Kukan, tha se “përshtypja e përgjithshme është e kënaqshme” , por “në shumë vendvotime ka pasur kurdisje të qarta dhe falsifikime të procesit zgjedhor”.

Sipas tij, “procesi i këtillë zgjedhor në Kosovë e frenon përparimin e përgjithshëm dhe dialogun e Prishtinës me Beogradin”.

Anëtari i Parlamentit Evropian, Jelko Kacin, tha se, megjithë vështirësitë, “zgjedhjet e përsëritura në tri komuna kanë dhënë rezultate, pasi kryeministri në dorëheqje dhe partia e tij i kanë humbur dy deputetë”.

Ai mëtutje ka vlerësuar pozitivisht pjesëmarrjen e serbëve të Kosovë në zgjedhje. 

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)