04 Tetor 2022

Ozan: Turqia ka qenë dhe vazhdon të qëndroj pranë Kosovës

Prishtinë, 9 mars - Ministrja për Integrim Europian  Vlora Çitaku u takua me Ambasadoren e Turqisë në Kosovë, Songül Ozan.

Ambasadorja Ozan në takim theksoj se: Turqia ka qenë dhe vazhdon të qëndroj pranë Kosovës në rrugën e sajë drejt zhvillimit Institucional dhe Ekonomik të vendit tonë.

Ndërsa për Ministrinë e Integrimit Europian premtoj përkrahje për të ngritur kapacitetet institucionale dhe ndihmë në gjitha sferat që do ti kontribuojnë Kosovës.

Ministrja Çitaku, në takim njoftoi gjithashtu ambasadoren rreth punës,prioriteteve të MIE’ së si dhe bashkëpunimin me të gjitha mekanizmat dhe ambasadat e vendeve  të  BE-së në Kosovë.

Ndërsa nga aspekti i brendshëm institucional, ministrja Çitaku ka potencuar ndryshimet në qasjen e Qeverisë se re ndaj agjendës Europiane e cila vërehet me aprovimin e Rregullores mbi Departamentet për Integrim Europian dhe Koordinim të Politikave në kuadër të Ministrive përkatëse që në mbledhjen e parë të Qeverisë, dhe se pret një angazhim më të madh dhe ngritje e efikasitetit të punës brenda institucioneve qeveritare.

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)