27 Janar 2023

Një tërmet me magnitudë 7.4 godet bregun perëndimor të Meksikës

Meksiko City, 20 shtator - Shërbimi Sizmologjik Kombëtar i Meksikës ka raportuar një tërmet me magnitudë 7.4 në shtetin jugperëndimor Michoacan.

Autoritetet nuk kanë raportuar për viktima apo dëme të konsiderueshme në infrastrukturë nëpër shtetet e prekura.

Po ashtu edhe në kryeqytetin Mexico City, historikisht një nga qytetet më të cenueshme ndaj tërmeteve, guvernatori Claudia Sheinbaum tha se nuk ka pasur dëme në qytet. Megjithatë, automjetet ajrore ende patrullojnë qytetin në kërkim të ndonjë dëmtimi të madh.

“Ne do të ndalemi dhe do të marrim disa informacione. Ne sinqerisht shpresojmë se asgjë serioze nuk ka ndodhur”, tha presidenti Andres Manuel Lopez Obrador jashtë Pallatit Kombëtar në Mexico City.

Tërmeti është një kujtesë e zymtë për meksikanët që kujtojnë tërmetin shkatërrues që ndodhi 37 vjet më parë më 19 shtator të vitit 1985, respektivisht me magnitudë 8.1 dhe një tjetër në të njëjtën ditë në vitin 2017 me magnitudë 7.1.

Rreth një orë para tërmetit në Michoacan, tetë shtete të Meksikës morën pjesë në një stërvitje që kujtonte të dy tërmetet.

Nga ana tjetër, qendra e cunamit në Paqësor ka lëshuar një paralajmërim për cunami në Meksikë.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)