31 Janar 2023

Një stuhi rëre ka përfshirë sërish Irakun, 4000 njerëz në spital

Bagdad, 17 maj - Një stuhi e egër rëre ka përfshirë sërish Irakun, duke bërë që 4000 njerëz të përfundojnë në spital me probleme të frymëmarrjes.

Reja e dendur e pluhurit që ka mbuluar kryeqytetin irakian të Bagdatit, ka çuar gjithashtu në mbylljen e aeroporteve, shkollave dhe zyrave publike në të gjithë vendin.

“Daily Mail” shkruan se kjo është stuhia e tetë e pluhurit që nga mesi i prillit që godet Irakun. Ky i fundit është goditur njëkohësisht edhe nga degradimi i tokës, thatësira intensive dhe reshjet e pakta të shiut, të cilat janë të lidhura me ndryshimet klimatike, me temperatura mesatare në rritje dhe reshje dukshëm më të ulëta.

Në fillim të këtij muaji, stuhia më e fundit e rërës çoi në vdekjen e një personi dhe 5000 të tjerë të shtruar në spital për probleme të frymëmarrjes. Bagdadi është lënë në një shkëlqim portokalli dhe ka mbështjellë shumë qytete të tjera.

Madje kjo stuhi rëre ka përfshirë edhe qytetin e shenjtë Shiite të Najafit në jug dhe Sulaimaniyah në rajonin autonom kurd verior.

Rëra e verdhë dhe portokalli mbuloi çatitë e ndërtesave, makinat dhe madje u fut në shtëpi. Autoritetet në shtatë nga 18 provincat e Irakut, përfshirë Bagdadin, urdhëruan mbylljen e zyrave qeveritare.

Por objektet shëndetësore mbetën të hapura për të ndihmuar ata që janë më në rrezik, si të moshuarit dhe njerëzit që vuajnë nga sëmundjet kronike të frymëmarrjes dhe sëmundjet e zemrës.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00