Krakow, 2 korrik - Ministri i Punëve të Jashtme i Republikës së Kosovës, Skender Hyseni, po merr pjesë në Takimin e Nivelit të Lartë të Komunitetit të Demokracive në Krakow të Polonisë, ku po marrin pjesë disa dhjetëra delegacione.

Ministri Hyseni pritet të zhvillojë takime të shumta dypalëshe me përfaqësues nga shtete të ndryshme pjesëmarrëse, përfshirë me delegacione nga shtete që ende nuk e kanë njohur Republikën e Kosovës.

Takimi i zhvillon punimet nga datat 2 deri më 4 korrik. Ky është takimi i dhjetë i komunitetit të demokracive.