28 Mars 2024

Medvedev shpall gjendjen e jashtëzakonshme në disa rajone

Moskë, 3 gusht - Presidenti rus Dmitri Medvedev ka shpallur ditën e hënë gjëndjen e jashtëzakonshme në shtatë rajone të Rusisë për shkak të zjarreve masive që kanë rënë nga vala e nxehtësisë.

Numri i viktimave të shkaktuara nga zjarret është rritur në 40 të vdekur. Lajmi e kanë bërë të ditur burime pranë Ministrisë Ruse të Shëndetësisë.

Ndërkohë, Ministria e Emergjencave ka deklaruar se 500 vatra të reja zjarri janë zbuluar në 24 orët e ditës së hënë, por shumica e tyre janë shuar për shkak të angazhimit të forcave zjarrëfikëse dhe të ushtrisë ruse.

Raportohet gjithashtu se në 14 rajone të Rusisë janë djegur shtëpitë e banorëve. Më i dëmtuari është Nizhni Novogorod, ku janë regjistruar dhe 19 nga 40 vdekjet.

Gjëndja e jashtëzakonshme u njoftua në një formë dekreti për të kufizuar aksesin publik në zonat e prekura nga zjarret.

Gjithashtu raportohet se në shumë prej zonave të prekura nga zjarret masive me mijëra banorë janë shpërngulur dhe kanë lëvizur drejt zonave më të sigurta përkohësisht.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)