06 Dhjetor 2022

Mbi 200 mijë shqiptarë të evidentuar në Zvicër

Bern, 1 maj - Mbi 200 mijë shqiptarë supozohet se jetojnë dhe janë të pajisur me shtetësi zvicerane në Zvicër nga gjithsejt 7 milion e 866 mijë e 500 banorë sa ka zvicra nga regjistrimi i fundit.

Javën që lamë pas Zyra Federale për Statistika e Zvicrës (OFS), me seli në Nuchatel, doli me të dhënët më të reja për numrin e popullsisë në këtë shtet, njofton Agjencia e lajmeve "Presheva Jone" me zyrën e saj në Gjenevë.

Sipas rezultateve të fundit, Zvicra në krahasim me një vit më parë, kjo paraqet shtim prej 80 mijë e 700 banorëve.

Në mesin e gati 7.9 milionë banorëve në Zvicër, nga Berna zyrtare kanë njoftuar se aty janë llogaritur edhe 200 mijë shqiptarë, kryesisht nga Kosova dhe viset e tjera të ish-Jugosllavisë, të cilët posedojnë pasaporta zvicerane, por edhe leje te ndryshme qëndrimi (A,B,C, D..etj..), njofton nga Gjeneva agjencia "Presheva Jonë"

“Për ne, zyrtarisht në Zvicër janë 63 196 qytetarë nga Kosova, sepse kaq prej tyre posedojnë pasaporta të shtetit të Kosovës. Prandaj, nevojitet shumë punë dhe angazhim nga ambasadat e konsullatat e juaja në Zvicër për ta dëshmuar shifrën e 200 mijë kosovarëve në Zvicër, sa flitet se ka shqiptarë nga Kosova në vendin tonë”, deklaroi  Celine Schmid, përgjegjëse në Entin Federal për Statistika.

Policia dhe drejtoritë e kantoneve kanë deklaruar se kanë telashe të mëdha, sidomos me serbët e Kosovës, kur atyre u jepet dokumenti identifikues me mbishkrimin Republika e Kosovës, ku ka pasur raste që edhe e kanë refuzuar.

Mirëpo, sipas burimeve të Presheva Jonë, numri më i madh personave që posedojnë pasaporta serbe sot në Zvicër janë nga radhët e shqiptarëve?!. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)