29 Mars 2024

Marty: Raporti, në interes të vetë Thaçit

Moskë, 21 dhjetor - Raportuesi i KiE, Dick Marty ka deklaruar se është në interesin e vetë lidershipit politik kosovar që të zbardhen akuzat për trafik organesh njerëzore.

“Është në interes të vetë kryeministrit Hashim Thaçi që të konfirmohet e vërteta”, ka pohuar Marty për radion ruse “Eho Moska”.

Marty, i cili ndodhet në Rusi për hartimin e një raporti mbi konfliktin me Gjeorgjinë, ka refuzuar të bëjë parashikime për të ardhmen. “Për këtë është e vështirë të flitet” është shprehur ai.

Sipas Marty, detyra e tij ka qenë vetëm hartimi i raportit dhe i takon qeverive të vendeve evropiane për të nxjerrë përfundimet.

Duke mos u tërhequr nga akuzat e tij, raportuesi ka theksuar se, nuk mund të ndërtohet e ardhmja pa u zbardhur më parë ngjarjet e së kaluarës.

“Thaçi është një lider i rëndësishëm i krimit të organizuar kosovar, për të cilin ka pasur shumë informacione që gjenden në raporte ndërkombëtare”, ka thënë Marty.

I pyetur nëse ekzistojnë prova materiale për transplantimin e organeve, ai ka thënë se ekzistojnë prova për “vendet dhe rrethanat”.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)