18 Gusht 2022

MacShane: Raporti i Martit, fushatë për të penguar njohjet

Londër, 8 shkurt - Ish-ministri për Ballkanin në qeverinë e Londrës, Dennis MacShane ka mbrojtur Kosovën dhe kryeministrin Thaçi në një koment të publikuar në prestigjiozen amerikane “The Wall Street Journal”.

Në intervistën e tij MacShane theksoi se po zhvillohet një fushatë e ashpër mediatike kundër Thaçit dhe Kosovës në mënyrë që të pengohen njohjet e tjera për shtetin e ri.

"Muajin e kaluar Këshilli i Evropës miratoi një raport të politikanit zviceran, Dick Marty, që akuzon kryeministrin e Kosovës, Hashim Thaçi, për rrëmbimin dhe shitjen e organeve të serbëve të ekzekutuar në burgje në vitin 1999. Akuzat bënë kryetitujt e botës. Pas kundërthënieve për Irakun, mesazhi ishte i qartë: Intervenimi i Perëndimit në Kosovë 12 vjet më parë ishte gjithashtu një gabim. Problemi është se raporti i Martyt është më shumë një punim fantastiko-shkencor i motivuar politikisht sesa një investigim kriminal i vërtetë", ka theksuar MacShane.

Ai citon komentet e Geoffrey Nice, ish-zv/prokuror i Hagës, që hodhi në mënyrë profesionale poshtë pretendimet e Martyt për tregëtinë e supozuar me organet e serbëve.

MacShane propozon që nëse është e nevojshme Këshilli i Evropës të organizojë debat për këtë çështje ndërmjet juristëve britanikë dhe zviceranë, dhe do të vërtetohej se britanikët kanë të drejtë.

Anëtari i Palamentit britanik, thotë se mediat ndërkombëtare, ndoshta pa dashje janë bërë pjesë e fushatës së egër kundër Kosovës, me qëllim ndaljen e njohjes ndërkombëtar.

MacShane ka qenë në fund të muajit të kaluar në Kosovë ku ka takuar Thaçin dhe ka marrë një mirënjohje nga një kolegj privat.

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)