29 Mars 2024

Lunaçek nuk do të jetë përfaqësuese e BE-së në Kosovë

Prishtinë, 1 qershor - Euro deputetja Ulrike Lunaçek nuk do të jetë përfaqësuese e zgjedhur e Bashkimit Evropian në Kosovë për arsye formale.

Ajo nuk është diplomate e karrierës, ndërsa poste të tilla si ky në Prishtinë, mund të udhëhiqen vetëm nga diplomatë që punojnë në shërbimin e punëve të jashtme. Kështu shkruan sot gazeta austriake Die Presse.

Lunaçek i ka thënë gazetës vjeneze Die Presse se shpresat e saj ishin thyer nga përfaqësuesit e zyrës së zonjës Ashton, pikërisht për këtë arsye formale. Rregullat e BE-së parashikojnë që personi i cili do të marrë postin e përfaqësuesit të BE duhet të jetë diplomat i vendit nga vjen ose funksionar i Komisionit Evropian.

54 vjeçarja Luançek, e cila është deputete e të gjelbërve në Parlamentin Evropian gjatë karrierës së saj politike nuk ka qenë asnjëherë diplomate, pasi më pare ka qenë aktiviste e disa organizatave joqeveritare.

Luançek në deklaratën e saj për gazetën Die Presse që botohet në numrin e sotëm, kritikon zonjën Ashton, e cila siç thotë, vetë e kishte joshur të konkurronte për këtë post kurse tani e refuzon kandidaturën për arsye formale.

“Jam shumë e irrituar me zonjën Ashton, e cila ka vendosur këtë kusht tejet formal” citohet Lunaçek në gazetën vjeneze die Presse.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)