09 Gusht 2022

Lunaçek ka ripërsëritur: Zgjedhje të manipuluara

Prishtinë, 17 janar - Deputetja e Parlamentit Evropian, Ulrike Lunaçek, ka ripërsëritur sërish se zgjedhjet e 12 dhjetorit dhe 9 janarit ka qënë të manipuluara.

Lunaçek është shprehur e zhgënjyer që shteti më i ri nuk e dha provimin ndërkombëtar në zgjedhjet e 12 dhe 9 janarit për organizimin e tyre në mënyrë demokratike dhe me standarde ndërkombëtare.

“Në këto zgjedhjet e dyta, nuk ka pasur trazira dhe përleshje të dhunshme, dhe ka pasur shumë përmirësime në organizimin, por rreth mbrëmjes gjërat ndryshuan. Frikë ishte kur u kërcënuan tre ekipet e misioneve diplomatike ndërkombëtare”, thekson ajo.

Më tej Lunaçek ka theksuar se pas manipulimeve shtrohet pyetja se nëse pas këtyre parregullsive të shumta me fletëvotimeve mbushura, votime familjare e manipulime do të krijohet një parlament dhe një qeveri me legjitimitet të dyshimtë dhe që cënon kredibilitetin e bashkësisë ndërkombëtare.

Ajo gjithashtu i është referuar thirrjes së Pieter Feith për një qeveri me duar të pastra dhe legjitime, por thekson se nuk e di si do të reagojë PDK-ja dhe partitë e tjera.

Lunaçek, i është rikthyer komenteve nga disa politikanë në Kosovë për deklaratat e saj “ se ajo nuk ka kompetencë të flasë në këtë nivel”.

Eurodeputetja thekson me bindje “se pavarësisht fjalëve, një gjë mbetet e sigurt se procesi i manipuluar, pati kërcënime, ndërsa nuk u thye kultura e mosndëshkimit. Kështu, Kosova nuk mund të ofrojë shembull të mirë”.

Kalendari

Ngjarjet e datës 9 gusht 2022

- Lëvizja FOL organizon konferencë për media me ç’ rast do të publikoj gjetjet nga monitorimi i realizimit të Planit Vjetor të Punës së Qeverisë për periudhën janar- qershor 2022. (Zyret e Lëvizjes FOL, ora 11:00)

- Zëvendëskryeministrja për Çështje të Pakicave dhe të Drejtat e Njeriut, Emilija Redžepi, mban takimin me temën “Arsimi i komuniteteve joshumicë në Republikën e Kosovës”, me pjesëmarrjen e të gjithë përfaqësuesve relevant të institucioneve. (Ndërtesa e Qeverisë, ora 12:00)

- Hapet ekspozita “Ekonomia e Gruas në tregun e punës” e cil paraqet veprat e artistëve të Bosnjës dhe Hercegovinës të cilët në mënyra të ndryshme trajtojnë format e padukshme/të neglizhuara/të panjohura të punës. (Mini Studio në Rr. Nazim Gafurri 25, ora 20:00)