06 Tetor 2022

Lufta bërthamore do të shkaktonte uri globale

New York, 17 gusht - Shpërthimi i armëve bërthamore do të shkaktonte prishjen e klimës së Tokës, duke kufizuar prodhimin e ushqimit tokësor dhe ujor.

Një konstatim i është nxjerrë nga studimi i fundit i Universitetit Rutgers në SHBA, të cilin e kanë realizuar shkencëtarët Lili Xia dhe Alan Robock, së bashku me kolegët e tyre.

"Të dhënat na tregojnë një gjë: Ne duhet të parandalojmë që një luftë bërthamore të mos ndodhë ndonjëherë," tha Alan Robock, një profesor i shquar i shkencës klimatike në Departamentin e Shkencave Mjedisore në Universitetin Rutgers dhe bashkëautor i studimit, në deklaratën e dhënë për portalin e universitetit.

Bazuar në këtë hulumtim lufta bërthamore do të kontaminonte kryesisht tokën dhe ujin afër vendit ku përdoren armët bërthamore.

“Bloza (lëndë e zezë si pluhur), shpërndahet globalisht sapo të arrijë në atmosferën e sipërme; kështu, rezultatet tona janë të rëndësishme globalisht, pavarësisht nga kombet ndërluftuese”, thuhet në studimin e Universitetit Rutgers, të publikuar së fundmi në revistën javore Nature.

Duke nënvizuar bashkëpunimin global në parandalimin e luftës bërthamore, në këtë hulumtim theksohet se më shumë se 2 miliardë njerëz mund të vdesin nga lufta bërthamore midis Indisë dhe Pakistanit, dhe më shumë se 5 miliardë mund të vdesin nga një luftë midis Shteteve të Bashkuara dhe Rusisë

“Ne gjejmë rënie veçanërisht të rënda të të korrave në vendet kryesore eksportuese si Rusia dhe Shtetet e Bashkuara, të cilat mund të shkaktojnë lehtësisht kufizime të eksportit dhe të shkaktojnë ndërprerje të rënda në vendet e varura nga importi. Përgjigja jonë jo-tregtare ilustron këtë rrezik - duke treguar se vendet afrikane dhe të Lindjes së Mesme do të prekeshin rëndë”, thuhet në studimin e Universitetit Rutgers.

Mes tjerash, në këtë studim thuhet se në një luftë bërthamore, në një luftë bërthamore, bombat që do të shënjestronin qytetet dhe zonat industriale, do të shkaktonin edhe zjarre tepër të fuqishme, që lëshojnë sasi të madhe tymi dhe bloze lart në atmosferë, të cilat do të përhapeshin në të gjithë globin dhe do ta ftohnin planetin me shpejtësi

Kalendari

Ngjarjet e datës 6 tetor 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raporti me amendamente për Projektligjin për ndryshimin dhe plotësimin e Ligjit për Procedurën Përmbarimore. (Ndërtesa e Kuvendit, salla N303, ora 9:00)

- Byroja Kosovare e Sigurimit shënon 11 vjetorin e themelimit. (Hotel Venus, ora 9:00)

- Ministria e Punëve të Brendshme e Kosovës dhe UNDP Kosova do të organizojnë  fillimi e fushatës për ndërgjegjësimin e publikut  “Festo me zemër, jo me armë” që synon ngritjen e vetëdijes për rrezikun e posedimit dhe keqpërdorimit të armëve të vogla dhe të lehta. (Swiss Diamond Hotel, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KEK-ut, për periudhën 2006-2008. (Ndërtesa e Kuvendit, salla N10, ora 10:00)

- Oda Amerikane po organizon tryezën e rrumbullakët me titullin "Ndërtimi i partneritetit për përmirësimin e kujdesit ndaj pacientëve në Kosovë", për të diskutuar lidhur me këtë temë dhe sfidat e tjera në fushën e kujdesit shëndetësor, me ekspertë eminentë nga Kroacia. (Hotel Swiss Diamond, ora 10:00)

-  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Jeton Mehmetin Kryesues i Bordit të Drejtorëve të KOSTT. (Ndërtesa e Kuvendit, salla N302, ora 10:00)

- Avokati i Popullit organizon dëgjime publike përkitazi me hetimin e përgjithshëm për shëndetin riprodhues. (Salla e Kuvendit Komunal të Prishtinës, ora 10:00)

- Ministrja e Ekonomisë, Artane Rizvanolli do të mbajë konferencë për media me temë 'Masat për subvencionim të efiçiencës së energjisë për qytetarët'. (Ministria e Ekonomisë, salla e takimeve, ora 11:00)

- Këshilli i Pavarur Mbikëqyrës për shërbimin civil të Kosovës raporton para Komisionit për Administratë Publike, Pushtet Lokal, Media dhe Zhvillim Rajonal lidhur me punën 6 mujore të vitit 2022. (Ndërtesa e Kuvendit, salla C203, ora 12:00)

- Me rastin e vdekjes së ish komandantit të Ushtrisë Çlirimtare të Kosovës, Deli Lekaj, Komuna e Deçanit organizon mbledhjen komemorative. (Salla e Kuvendit të Komunës, ora 12:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 13:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KOSTT-it, për periudhën 2006-2008. (Ndërtesa e Kuvendit, salla N10, ora 14:00)