28 Mars 2024

Kuvajti dhe Kosova do të forcojnë bashkëpunimin

Prishtinë, 31 mars - Një delegacion i Grupit të Miqësisë në Parlamentin e Kuvajtit ka vizituar të enjten Ministrinë e Punëve të Jashtme të Republikës së Kosovës, ku është pritur nga Ministri Enver Hoxhaj.

Pas takimit me këtë delegacion të udhëhequr nga Waleed Al-Tabtabae, Deputet dhe Kryetar i Komitetit Ekzekutiv të Grupit Miqësisë Parlamentare të Kuvajtit, Ministri i Punëve të Jashtme, Enver Hoxhaj, ka shprehur vullnetin e institucioneve të shtetit të Kosovës për të vendosur raporte miqësore me Kuvajtin.

Ministri Hoxhaj ka thënë se Kosova dhe Kuvajti duhet të intensifikojnë format e bashkëpunimit, mes dy qeverive, dy parlamenteve por edhe mes qytetarëve të dy shteteve. Edhe përfaqësuesit e Parlamentit të Kuvajtit, kanë shprehur vullnetit e këtij shteti për vendosjen dhe forcimin e bashkëpunimit në të gjitha fushat me Kosovën.

Udhëheqësi i delegacionit, Deputeti i Parlamentit kuvajtian, Waleed Al-Tabtabae, ka thënë se shteti i tij do të shqyrtoj shumë shpejt njohjen formale të Republikës së Kosovës.

Poashtu, Al-Tabtabae ka shprehur vullnetin e institucioneve kuvajtiane që të lidhin dhe forcojnë bashkëpunimin e gjithanshëm me Kosovën.  

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)