06 Dhjetor 2022

Kosova, shembull i mirë në rajon për përfaqësimin e femrave

Prishtinë, 28 prill - Përqindja e vendeve në parlamentin kombëtar të mbajtura nga femrat është një idikator i thjeshtë, i cili llogaritet si raport i numrit të femrave deputete ndaj totalit të deputetëve.

Duke qenë se parlamentet mund të jenë të organizuara me një ose dy dhoma, në shyqrtim për këtë indikator merret përqindja që zënë femrat në parlamentet me një dhomë ose në dhomën më të ulët.

Pjesa e vendeve që zënë femrat në parlament zakonisht pozicionohet brenda indikatorëve social, pasi pjesmarrja e saj në poltikë dhe organet ligjvënëse të vendit shikohet si parakusht për zhvillim më të mirë të shoqërisë dhe respektim të të drejtave.

Open Data Albania (ODA) ka kryer një hulumtim mbi këtë indikator për vendet e rajonit, duke marrë në shqyrtim edhe mesataren e Bashkimit Europian si dhe tendencën në Botë për periudhën 2007-2010.

Tre vendet e pozicionuara më keq janë Hungaria, e cila ka pasur një përqindje në ulje nga 10.4 në 9.1, Mali i Zi, me një luhatje 8.6 në 11.1 dhe Turqia, e cila ka mbetur konstante në nivelin 9.1%.

Duhet theksuar se Kombet e Bashkuara, nëpërmjet të gjitha organizatave operuese, po mundohen ti orientojnë shtetet drejt nivelit minimal 30%. Në këto kushte duket qartë se rajoni do ende shumë punë për të kapur këtë standart.

Shqipëria, në 2010-n, pozicionohet e shtata, duke lënë pas Rumaninë, Slloveninë dhe Sllovakinë.

Ai që bie në sy është shteti më i ri në Ballkan, Kosova, e cili është mbi mesataren e Botës, së BE-së dhe në përputhje të plotë me direktivat e  Kombeve e Bashkuara, duke respektuar nivelin prej 30% që në vitin 2007 dhe duke u rritur në 33.3% në zgjedhjet e 2010-s.

Në fakt, studimet tregojnë se shtetet e reja e kanë më të lehtë zbatimin e kritereve të vendosura nga Kombet e Bashkuara se sa vendet e tjera, por megjithatë, Kosova ngelet një shembull për t’u ndjekur nga vendet e rajonit dhe më gjerë. Mirë pozicionohet edhe Maqedonia, e cila është e dyta pas Kosovës, me një nivel 32.5% në vitin 2010.

Interesant është që edhe mesatarja e BE-së është nën nivelin e sugjeruar të Kombeve të Bashkuara.

Kështu, shtete si Franca  apo Italia  kanë një nivel shumë të ulët pjesmarrjeje të femrave në parlament. Ndërkohë që Vendet e Ulta dhe të gadishullit Skandinav janë në kuotat 40%.

Ajo që mund të thuhet në fund të kësaj analize është që rajoni, por edhe vetë Bashkimi Europian ka një rrugë të gjatë përpara në sigurimin e shanseve dhe mundësive të barabarta për të gjithë, pavarësisht përkatësisë gjinore.

Niveli 30% është pragu minimal i vendosur për të ecur në këtë drejtim dhe partitë politike duhet të ndërmarrin angazhime serioze për të mundësuar konkurrueshmërinë në baza meritokracie e duke lënë mënjanë paragjykimet gjinore. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)