24 Maj 2022

Koshtunica: Serbia po u përulet ndërkombëtarëve

Beograd, 21 gusht - Kryetari i Partisë Demokratike të Serbisë (DSS), Vojisllav Koshtunica, ka deklaruar se Serbia po kushtëzohet që me territore të veta të paguajë vazhdimin e procesit të integrimeve europiane, raportojnë mediat serbe.

“Serbia shpejt do t’u ekspozohet presioneve dhe shantazheve të hapura se vazhdimi i rrugës europiane çon drejt vendosjes së marrëdhënieve të mira fqinjësore me Kosovën”, ka theksuar Koshtunica në një deklaratë me shkrim, raporton “FoNet”.

Koshtunica ka thënë se Serbia do të ketë presion që të ndryshojë rezolutën e paraqitur në Asamblenë e Përgjithshme të KB-së, në atë mënyrë që, në marrëveshje me BE-në, do t’i bashkëngjitet dispozita që Serbia dhe Kosova duhet të bisedojnë për çështje teknike, në mënyrë që të bëhen fqinje të mira.

Sipas fjalëve të Koshtunicës, që para dy vjetësh ka qenë e qartë se forcat perëndimore, “të cilat qëndrojnë pas shpalljes së njëanshme të pavarësisë së rrejshme të shtetit të Kosovës, do ta shfrytëzojnë çështjen e integrimit europian, si një shantazh dhe presion të veçantë ndaj Serbisë për të vendosur marrëdhënie të mira ndërfqinjësore me Kosovën”.

“Jo vetëm që është e pavërtetë se Kosova dhe BE janë tema të ndara, por e vërteta është se Serbia në mënyrën më të drejtpërdrejtë kushtëzohet që me territorin e vet të paguajë vazhdimin e integrimeve të paqarta europiane”, ka vlerësuar Koshtunica.

Ai ka thënë se mendimi i GJND-së është shfrytëzuar si shkas, në mënyrë që më shpejt të nisin presionet e hapura ndaj Serbisë. Sipas tij, përgjigjja e vetme e drejtë do të ishte që Serbia të kundërshtojë presionet dhe shantazhet dhe qartë të tregojë se rruga europiane nuk mund të ndërtohet me heqjen dorë nga Kosova dhe me shitjen e territoreve të vendit.

Kalendari

Ngjarjet e datës 25 maj 2022

- Instituti Demokratik i Kosovës mbanë diskutimin publik me temën “Raportet Kosovë-Serbi: Tabelat e veturave dhe një Dialog që nuk po lëvizë!” një diskutim i përbashkët i përfaqësuesve të shoqërisë civile me pjesëmarrës nga politika, mediat dhe përfaqësuesit e misioneve ndërkombëtare në Kosovë. (Hotel Sirius, ora 9:30)  

- Komisioni për Buxhet, Punë dhe Transfere, shqyrton raportin vjetor financiar të Agjencisë për Informim dhe Privatësi për vitin 2021, Projektligjin për plotësimin dhe ndryshimin e Ligjit për Fondet Pensionale të Kosovës, etj. (Kuvendi i Kosovës, salla C203, ora 10:00)

- OJQ "Iniciativa për Drejtësi dhe Barazi - Inject" organizon konferencën përmbyllëse  të Projektit me titull “Sigurimi i të Drejtave Pronësore të Grave përmes rritjes së Kapaciteteve Institucionale në Kosovë”.  (Hotel Emerald, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, diskuton për zbatimin e Ligjit për Mbrojtjen e Fëmijës. (Kuvendi i Kosovës, salla N302, ora 10:00)

- Kryetari i Komunës së Prizrenit, Shaqir Totaj, pret në takim Christopher Hyland, kontribues në Pavarësinë e Kosovës në SHBA-të dhe në prezantimin e shtetit tonë te ish-presidenti amerikan Bill Clinton. (Shtëpia e Bardhë, Prizren, ora 11:00)

- Mbahet edicioni i 21-të të panairit ndërkombëtar EXPOKOS, që i dedikohet bizneseve të sektorëve të: Ndërtimit, Energjisë, Makinerisë dhe Sigurisë dhe Mbrojtjes. Merr pjesë zëvendëskryeministri i Kosovës, Besnik Bislimi. (Pallati i Rinisë, ora 11:00)

- Mbahet Kuvendi i pestë i Partisë Eko Lëvizja e Gjelbër e Kosovës. (Hotel Grand, salla e Kuqe, ora 11:00)

- Drejtoria e Mirëqenies Sociale, në kuadër të “Fushatës vetëdijesuese për trajtimin e fëmijëve në situatë rruge” organizon një kampanjë me moton “Unë s’jap lëmoshë, AS TI! & Bashkë t’i mbrojmë fëmijët në situatë rruge” me qëllim të përçimit të mesazhit se dhënia e lëmoshës cenon dhe dëmton jetën e fëmijëve në situatë rruge. (Sheshi “Nënë Tereza”, ora 11:00)

- Punëtorët e Lotarisë së Kosovës protestojnë në shenjë pakënaqësie për mosplotësimin e kërkesave të tyre për Ligjin për Lotarinë e Kosovës dhe pagat për këta punëtorë. (Para ndërtesës së Qeverisë, ora 11:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike mban mbledhje. (Kuvendi i Kosovës, salla N303, ora 14:00)

- Instituti Kombëtar Demokratik organizon debatin e parë mbi politika nën temën “Në mbrojtje të demokracisë: Politikat gjithpërfshirëse të punësimit kanë rëndësi”. (Objekti i komunës së re në Prishtinë, ora 14:00)

- Klubi Futbollistik Drita mban konferencë për medie. (Selia e Federatës së Futbollit të Kosovës, ora 14:00)

- Klubi Futbollistik Llapi mban konferencë për medie. (Selia e Federatës së Futbollit të Kosovës, ora 15:00)

 Fondacioni Lumbardhi hapë sezonin e programeve që kremtojnë 70-vjetorin e kinemasë me promovimin e librit “Lumbardhi: një histori episodike” dhe fillimin e programit të filmit LXX në ekran të madh. (Kino Bahçe në Prizren, ora 19:00)