15 Gusht 2022

Konflikti Kosovë-Serbi, sfidë kryesore e vitit 2010

Lubjanë, 9 qershor - Eurodeputeti austriak, Hanes Svoboda, ka vlerësuar se konflikti mes Serbisë dhe Kosovës mbetet sfidë kryesore në vitin 2010, ndonëse siç thotë, Serbia ka treguar "një pjekuri të lartë politike" dy vjet pas shpalljes së pavarësisë Kosovës.

Në një artikull të publikuar në Institutin Ndërkombëtar për Studime të Lindjes së Mesme dhe Ballkanin (IFIMES) në Lubjanë, Svoboda, thotë se retorika e saj (e Serbisë) nacionale, politike dhe ndërkombëtare është tepër e orientuar rreth konfliktit, gjë që pengon progresin e këtij shteti dhe të rajonit në fushën e integrimit rajonal.
 

Svoboda pohon se udhëheqja politike serbe si dhe ajo kosovare bëjnë përpjekje të mëdha diplomatike sa i përket çështjes së mosnjohjes apo njohjes së Kosovës, në vend se të merren me probleme urgjente sociale-ekonomike kombëtare dhe rajonale, të cilat ndikojnë në jetën e përditshme të njerëzve.

Pas mendimit të Gjykatës Ndërkombëtare të Drejtësisë për shpalljen e pavarësisë së Kosovës, Svoboda shpreson që Serbia dhe Kosova do të arrijnë që të "vendosin një dialog të ri" për të orientuar marrëdhëniet e tyre të ardhshme dhe të sqarojnë "rolin e Serbisë në Kosovë". Në këtë aspekt, thotë Svoboda, BE duhet t'u ndihmojë të dyja palëve që të zhvillojnë strategjinë e cila është në interes të të gjithë qytetarëve të Kosovës.

Svoboda thotë se nga këndvështrimi pozitiv duhet shikuar zgjedhjet e fundit lokale ku është vërejtur një pjesëmarrje e dukshme e pakicës serbe në atë proces, gjë që bën me dije për gatishmërinë që përmes përfaqësuese të tyre të marrin fatin politik në duart e tyre.

Meriton mirënjohje udhëheqja e Kosovës për faktin se ka arritur të vendosë marrëdhënie të mira fqinjësore me të gjitha qeveritë në rajon, tha Svoboda.

Kalendari

Ngjarjet e datës 15 gusht 2022  - Presidentja e Republikës së Kosovës, Vjosa Osmani Sadriu  pret me ceremonitë më të larta shtetërore, me rastin e fillimit të mandatit të tij, presidentin e Republikës së Shqipërisë, Bajram Begaj. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit të Kosovës më së voni në ora 9:15)

- Komuna e Rahovecit organizon dëgjim publik me organizatat jo qeveritare për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 10:00)

- Fakulteti i Filologjisë i Universitetit të Prishtinës "Hasan Prishtina" organizon ceremoninë solemne të hapjes së punimeve të Seminarit XL Ndërkombëtar për Gjuhën, Letërsinë dhe Kulturën Shqiptare. (Amfiteatri i Bibliotekës Qendrore Universitare, ora 11:00).

- Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. (Kabineti i kryetarit, ora 12:15 - Mediat mund të marrin pamje në fillim të takimit)

- Kryeministri i Kosovës, Albin Kurti pret në takim presidentin e Republikës së Shqipërisë, Bajram Begaj. (Ndërtesa e Qeverisë, ora 13:00)

- Kryetari i Komunës së Gjilanit, Alban Hyseni pret sot në takim ministren e Arsimit, Shkencës, Teknologjisë dhe Inovacionit, Arbërie Nagavci, ku më pas do të ketë prononcim për media në Zyrën e Kryetarit. (Gjilan, ora 15:00)

- Presidenti i Shqipërisë, Bajram Begaj zhvillon homazhe te varri i ish-presidentit Ibrahim Rugova. (Velani, ora 15:45)

- Presidenti i Shqipërisë, Bajram Begaj zhvillon homazhe te varrezat e Familjes Jashari. (Kompleksi Memorial  në Prekaz, ora 16:35)

- Në kuadër të Akademisë Verore ‘’Arbën Xhaferi"  mbahet akademi përkujtimore për jetën dhe veprën e Arbën Xhaferit. (Pallati i Kulturës, "Hasan Prishtina", ora 19:30)