30 Shtator 2022

Komersant: Bisedimet hap i parë për njohjen e pavarësisë

Bruksel, 10 mars - Bisedimet midis Prishtinës dhe Beogradit në Bruksel paraqesin hapin e parë drejt njohjes së pavarësisë së Kosovës nga Serbia, shkruan sot gazeta ruse Komersant.

“Bisedimet midis përfaqësuesve të Beogradit dhe Prishtinës në Bruksel paraqesin hapin e parë të Serbisë në rrugën e saj drejt njohjes së republikës së vetëshpallur të Kosovës”, shkruan gazeta Komersant, e cila nënvizon se Bashkimi Evropian po kontribuon në afrimin e këtyre dy vendeve, duke bërë të qartë se pa aktivizimin e dialogut dyja palët nuk mund të ecin në planin e evrointegrimeve, transmeton agjencia e lajmeve INA.

Gazeta ruse shkruan se të dyja palët në krye të delegacioneve kanë caktuar negociator me përvojë. Edita Tahiri edhe më parë ka qenë pjesëmarrëse në negociata, duke mbrojtur sipas rregullave pozicionin paqësor të Kosovës, ndërsa Borko Stefanoviç gjithashtu ka përvojë serioze diplomatike.

“Me të drejtë këto njerëz pritet që të tregojnë aftësitë e tyre para BE-së që pa emocione politike të konsiderojnë problemet e grumbulluara. Edhe Serbia por edhe Kosova janë në listën për kandidat potencial për në BE, por problemet e pazgjidhura midis tyre e rëndojnë rrugën drejt BE-së”, shkruan gazeta ruse Komersant. 

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30