18 Gusht 2022

Jeremiq: Kosova është Jerusalemi serb

Beograd, 30 maj - Ministri i Punëve të Jashtme i Serbisë, Vuk Jeremiq, në një intervistë për numrin e nesërm të javores ”Der Spiegel”, ka thënë se mund të parashikohen kriza në të ardhmen dhe se çmimi gjeopolitik do të jetë i lartë, nëse Bashkimi Evropian harron Ballkanin Perëndimor.

Në pyetjen nëse kjo duhet të merret si kërcënim, Jeremiq tha se me një gjë të tillë “nuk po thotë se në Balllan do të vijë shumë shpejt deri të shpërthimi”, porse “Serbia dekurajohet kur dëgjon se pas hyrjes së Kroacisë në BE, në vitin 2011, duhet të pasojë një pauzë”.

“Do të ishte një gabim fatal nëse nuk vazhdon procesi i zgjerimit të BE-së. Serbia nuk duhet të detryohet që të zgjedhë në mes të anëtarësimit në BE dhe Kosovës. Do të mashtrohen ata që mendojnë se Serbia në këtë rast do të zgjedhë Evropën”, u shpreh Jeremiq.

Duke thënë se “Kosova, në një formë, është Jerusalemi serb”, Jeremiq deklaroi se Beogradi “nuk i pranon vendimet e njëanshme të qeveritarëve në Prishtinë”, porse “është i gatshëm për negociata mbi kompromiset që garantojnë stabilitetin e gjithë rajonit”.

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)