03 Tetor 2022

Irani mirëpret dialogun Kosovë-Serbi

Teheran, 14 mars - Zëdhënësi i Ministrisë së Jashtme iraniane, Ramin Mehmanparast, ka deklaruar se Tehrani shpreson që bisedimet mes të Kosovës dhe Serbisë do të ndihmojnë në rikthimin e paqes dhe stabilitetit në Ballkan.

“Republika Islamike e Iranit mirëpret nisjen e bisedimeve direkte në mes të Serbisë dhe Kosovës në pajtim me rezolutën e OKB-së”, ka thënë Mehmanparast të dielën, raporton Press TV.

Mehmanparast shtoi se Irani pret që bisedimet të zhvillohen në një atmosferë konstruktive të bazuar në realitete, e cila do të ishte një mundësi për realizimin e kërkesave të dy kombeve në pajtim me ligjin ndërkombëtar.

Ai gjithashtu shfaqi shpresën se bisedimet “do të mund të çojnë në heqjen e mosmarrëveshjes kufitare në mes të dy shteteve”.

Në vitin 2010, pas shpalljes së pavarësisë së Kosovës nga Serbia, gjë e cila ngjalli një debat mbarëbotëror dhe pas një kërkese nga ana e Serbisë, Asambleja e Përgjithshme e OKB-së kërkoi nga Gjykata Ndërkombëtare e Drejtësisë të përcaktohet nëse Kosova ka shkelur ligjin ndërkombëtar, gjë e cila rezultoi negative.

Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)