29 Janar 2022

Hyseni në takimin e ministrave të Kartës së Adriatikut

Dubrovnik, 9 korrik - Ministri i Punëve të Jashtme i Republikës së Kosovës, Skender Hyseni, ka marrë pjesë sot në takimin e Ministrave të Jashtëm të vendeve të Kartës së Adriatikut, në cilësinë e vëzhguesit.

Kjo është hera e parë që Republika e Kosovës merr pjesë në një takim të Kartës së Adriatikut.

Në takim, Ministri Hyseni ka falënderuar kryesuesin e deritanishëm, Ministrin e Jashtëm të Kroacisë, për ftesën për pjesëmarrje, si dhe ka folur për perspektivën veri-atlantike të Republikës së Kosovës.

Ministri, gjithashtu, ka shprehur qëllimin e Republikës së Kosovës për të qenë anëtare e plotë e Kartës së Adriatikut.

Karta e Adriatikut është një asociacion i Shqipërisë, Kroacisë, Maqedonisë dhe Shteteve të Bashkuara të Amerikës.

Karta është nënshkruar në Uashington më 2003. Qëllimi Kartës ka qenë që t’u ndihmohet këtyre vendeve në rrugën për anëtarësim në NATO.

Në vitin 2008, dy anëtarë të rinj, Mali i Zi dhe Bosnjë e Hercegovina i janë bashkuar Kartës. Kryesimin e radhës e ka Republika e Maqedonisë.
 

Kalendari

Ngjarjet e datës 29 janar 2022

- Partia Socialdemokrate dhe Grupi Protestojë organiojnë protestë kundër shtrenjtimit të energjisë elektrike për të ruajtur profitin e interesat e KEDS e KESCO-s. (Sheshi “Zahir Pajaziti”, ora 14:00)

- Nën patronatin e Kryetarit të Komunës, Smajl Latifi behën homazhe dhe nderime për dëshmorin e kombit Sahit Krasniqi, te varrezat e dëshmorëve në Ratkoc. (Ratkoc, ora 14:00)

- Në kuadër të flakës së Janarit mbahet festivali i Kënges për fëmijë "Xixat e Flakës". (Teatri i Qytetit të Gjilanit, ora 17:00)