05 Korrik 2022

Hungaria merr zyrtarisht kryesinë e radhës të BE-së

Bruksel, 8 janar - Presidenti i Komisionit Evropian Zhose Manuel Barroso dhe kryeministri i Hungarisë Viktor Orban zhvilluan një sesion plenar në Budapest në ditën e parë të kryesisë hungareze të Bashkimit Evropian. Hungaria vjen në krye të Bashkimit në një kohë kur blloku prej 27-vendesh përballet me një krizë borxhesh në eurozonë.

Komisionerët e Bashkimit Evropian dhe deputetët e parlamentit hungarez qëndruan sot në shkallët e parlamentit për një fotografi në grup.

Po sot paradite, Zhose Manuel Barroso, kreu i komisionit ekzekutiv të Bashkimit Evropian pati takime me kryeministrin hungarez  Viktor Orban.

Mbrëmë, Belgjika i dorëzoi Hungarisë kryesinë me anë të një ceremonie në parlamentin hungarez.

Kryeministri Iv Lëtermë i Belgjikës, e cila kishte kryesinë e radhës në gjysmën e dytë të vitit 2010, i dorëzoi flamurin evropian kryeministrit Orban në sallën e kupolës së parlamentit, ku mbahet kurora njëmijë vjeçare e Shën Stefanit, mbretit të parë të Hungarisë.

Zoti Orban vlerësoi udhëheqjen e Belgjikës në gjashtë muajt e shkuar, duke thënë se ajo mbajti gjallë angazhimin e Bashkimit Evropian ndaj integrimit evropian, megjithë krizën financiare.

Hungaria do të përballet me sfida të shumta në krye të bllokut prej 27-vendesh, siç është kriza e borxhit në eurozonë dhe integrimi i pakicës rome.

Hungaria po përballet gjithashtu me kritika ndërkombëtare lidhur me ligjin e saj mbi mediat, i cili ka ngjallur shqetësime mbi lirinë e mediave në vend.

Zoti Orban tha se zhurma lidhur me ligjin hungarez të medias nuk do ta zhvendosë vemendjen e Hungarisë nga misioni qendror i saj si kryesuese e radhës e Bashkimit Evropian e që është përqendrimi te rritja ekonomike.

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)