15 Gusht 2022

Greqia goditet nga një termet prej 5.3 shkallësh

Athinë, 10 janar- Greqia është tronditur mbrëmjen e së dielës nga një tërmet i fuqishëm 5.3 i shkallës Rihter.

Sipas Institutit Gjeodinamik të Athinës, tërmeti është regjistruar në Follorinë në orën 21.43 minuta të mbrëmjes djeshme.

Mediat greke shkruajnë se tërmeti ka pasur epiqendër 3 km ne perëndim të qytetit të Follorinës në një thellësi 14.3 km.

Ai është ndjerë në shumë zona të Greqisë se Veriut, në krahinën e Maqedonisë Perëndimore, Qendrore deri në Selanik, por edhe me tej në jug deri në qytetet e Trikallas dhe Larisës.

Por jo vetëm kaq, pasi tërmetin e fuqishëm e kanë pasuar brenda dhjetë minutave të paktën 5 lëkundje të tjera nga 2.9 deri në 4.1 shkalla Rihter.

Gjithashtu edhe mediat e Maqedonisë se Veriut raportojnë se ky tërmet është ndjerë në shumë zona të fqinjit verior të Greqisë deri në Shkup, madje deri në Bullgari.

Rreth 30 minuta pas tërmetit kryesor, te repartet zjarrfikëse nuk ka pasur thirrje për ndihmë apo raportime për dëme, gjë që konfirmohet edhe nga policia lokale.

Shume banorë të Follorinës të frikësuar kanë dalë nga shtëpitë e tyre. Sipas dëshmive të para, tërmeti ka pasur një kohëzgjatje të madhe dhe është shoqëruar me zhurmë.

“Është shumë herët për të nxjerrë përfundime”, ka deklaruar Gerasimos Houliaras, drejtori i hulumtimeve sizmike te Institutit Gjeodinamik të Observatorit të Athinës.

Sizmologët presin zhvillimin e aktivitetit sizmik dhe të fenomenit, ndërsa theksojnë se kjo zonë nuk hyn tek ato që goditen rregullisht nga tërmetet.

Kalendari

Ngjarjet e datës 15 gusht 2022  - Presidentja e Republikës së Kosovës, Vjosa Osmani Sadriu  pret me ceremonitë më të larta shtetërore, me rastin e fillimit të mandatit të tij, presidentin e Republikës së Shqipërisë, Bajram Begaj. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit të Kosovës më së voni në ora 9:15)

- Komuna e Rahovecit organizon dëgjim publik me organizatat jo qeveritare për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 10:00)

- Fakulteti i Filologjisë i Universitetit të Prishtinës "Hasan Prishtina" organizon ceremoninë solemne të hapjes së punimeve të Seminarit XL Ndërkombëtar për Gjuhën, Letërsinë dhe Kulturën Shqiptare. (Amfiteatri i Bibliotekës Qendrore Universitare, ora 11:00).

- Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. (Kabineti i kryetarit, ora 12:15 - Mediat mund të marrin pamje në fillim të takimit)

- Kryeministri i Kosovës, Albin Kurti pret në takim presidentin e Republikës së Shqipërisë, Bajram Begaj. (Ndërtesa e Qeverisë, ora 13:00)

- Kryetari i Komunës së Gjilanit, Alban Hyseni pret sot në takim ministren e Arsimit, Shkencës, Teknologjisë dhe Inovacionit, Arbërie Nagavci, ku më pas do të ketë prononcim për media në Zyrën e Kryetarit. (Gjilan, ora 15:00)

- Presidenti i Shqipërisë, Bajram Begaj zhvillon homazhe te varri i ish-presidentit Ibrahim Rugova. (Velani, ora 15:45)

- Presidenti i Shqipërisë, Bajram Begaj zhvillon homazhe te varrezat e Familjes Jashari. (Kompleksi Memorial  në Prekaz, ora 16:35)

- Në kuadër të Akademisë Verore ‘’Arbën Xhaferi"  mbahet akademi përkujtimore për jetën dhe veprën e Arbën Xhaferit. (Pallati i Kulturës, "Hasan Prishtina", ora 19:30)