19 Tetor 2021

Fule: KE-ja, neutrale ndaj statusit të Kosovës

Bruksel, 31 mars - “Komisioni Evropian ka qëndrim neutral ndaj statusit të Kosovës, por ne shohim të ardhme të qartë evropiane si për Kosovën edhe për Serbinë”, deklaroi eurokomisioneri për zgjerimin, Shtefan Fule.

Ai shtoi se BE-ja po punon ngushtë me Kosovën “veçanërisht në tre fusha, që janë të rëndësishme për aspiratat evropiane të saj”.

“Bashkëpunimi në rajon dhe marrëdhëniet mes Kosovës dhe Serbisë janë shumë të rëndësishme”, tha Fule. Eurokomisioneri për zgjerimin theksoi se sheh “vendosmëri në mesin e udhëheqësve të Ballkanit për të zgjidhur problemet në të njëjtën kohë me bisedimet për anëtarësim”.Shtefan Fule i bëri këto komente në një intervistë për EurActiv. 

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)