05 Dhjetor 2022

Fitou: T’i jepet fund pavarësisë së mbikëqyrur

Prishtinë, 27 prill - Ambasadori francez në Kosovë, Jean-François Fitou ka thënë se përfundimisht ka ardhur koha që t’i jepet fund pavarësisë së mbikëqyrur, duke shtuar se kosovarët duhet ta marrin në duart e tyre sovranitetin e plotë të vendit. 
 
Jo të gjithë ndërkombëtarët janë të një mendimi lidhur me pavarësinë e mbikëqyrur të Kosovës. Por, deklarata e fundit për këtë temë vjen nga ambasadori francez, Jean-François Fitou.

Ai në prononcim për Radio Dukagjinin ka qenë më i preri deri më tani për këtë çështje. Pa asnjë dilemë, sipas tij pavarësisë së mbikëqyrur duhet t’i vijë fundi.

“Mbikëqyrjes së Pavarësisë së Kosovës duhet t’i vij fundi, kjo është përgjigjja ime. Është koha e duhur që kosovarët të kenë në duart e veta sovranitetin e plotë të shtetit të tyre. Përfundimisht po. Deshët një përgjigje të shkurt, ja ku e keni.” ka thënë Fitou.

Sipas ambasadorit francez është në përgjegjësinë e njerëzve në Kosovë, veçanërisht e politikanëve që të ndryshojnë Kushtetutën, nëse vërtetë dëshirojnë ta bëjnë një gjë të tillë. Mirëpo ai potencon nevojën që kosovarët të qeverisen tërësisht vetë.

“Sa më shpejt që i vijë fundi pavarësisë së mbikëqyrur, aq më mirë. Duhet që në mënyrë të menjëhershme kosovarët duhet t’i marrin çështjet në duart e veta. Nëse kjo merr kohë, le të merr kohë, por procesi për t’i dhënë fund pavarësisë së mbikëqyrur duhet të filloj menjëherë,” ka shtuar Fitou.

Duke folur lidhur me mundësinë e deputetëve serb që të bllokojnë ndryshimet kushtetuese, ambasadori frances ka theksuar se nuk sheh asnjë arsye që serbët do ta bënin një hap të tillë.

Sipas tij, komunitetit serb që jeton në Kosovë i janë garantuar shumë të drejta falë planit të Ahtissarit. Fitou theksoi se këto garanci duhet të jenë pjesë edhe e Kushtetutës që do të pësoj ndryshime.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)