19 Tetor 2021

Fillon konferenca donatore kushtuar Haitit

New York, 31 mars - Haiti i kërkon ndërkombëtarëve 4 miliardë dollarë për të rindërtuar dhe modernizuar kryeqytetin e vendit që u shkatërrua nga tërmeti i janarit, dhe që u mori jetën rreth 300 mijë njerëzve.

Rreth 120 vende dhe organizata ndërkombëtare do të mblidhen sot në selinë e Kombeve të Bashkuara në New York për të kërkuar mbështetje për planin e rimëkëmbjes së qeverisë së Haitit, përfshi decentralizimin e ekonomisë për të krijuar vende të reja pune.

Ministri haitian i Financave dhe Ekonomisë, Ronald Baudin, deklaroi për “Reuters” rreth një javë më parë se vendi shpresonte të merrte rreth 4 milionë dollarë brenda 3 viteve, 1.3 milionë prej të cilave duhej të jepeshin brenda 18 muajve të parë.

Edhe para tërmetit 7 ballësh të 12 janarit, Haiti ishte vendi më i varfër i hemisferës perëndimore, me një shifër të lartë papunësie dhe analfabetizmi ndër 9 milionë njerëzit që e banojnë dhe rreth 80 për qind e tyre jetonin me më pak se 2 dollarë në ditë.

Llogaritjet paraprake të dëmeve totale nga tërmeti variojnë nga 8 miliardë deri në 14 miliardë dollarë.

Bashkimi Evropian dhe një koalicion organizatash humanitare me qendër në SHBA kanë bërë të ditur se do të japin më shumë se 2.7 miliardë dollarë për Haitin gjatë konferencës së OKB-së, ndërsa presidenti amerikan Barak Obama i ka kërkuar Kongresit 2.8 miliardë dollarë për rindërtimin e Haitit.

Organizata e Kombeve të Bashkuara vazhdon t´i bëjë thirrje vendeve që të mbështesin qeverinë e Haitit pasi veç një Ministrie, gjithë të tjerat u shkatërruan plotësisht dhe rreth një e treta e nëpunësve civil humbën jetën.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)