31 Janar 2023

Dearlove: Përkeqësohet shëndeti i presidentit rus

Londër, 23 maj - Teksa lufta mes Rusisë dhe Ukrainës duket se nuk ka ndërmend të përfundojë, spkulimet mbi shëndetin e liderit rus Vladimir Putin nuk kanë fund.

Së fundmi në rrjet janë shpërndarë deklaratat e bëra nga shefi i inteligjencës britanike, Richard Dearlove, i cili ngre pretendimet mbi një përkeqësim të shëndetit të presidentit rus.

Putin, sipas Dearlove, vuan nga një sëmundje kronike prej së cilës nuk ka rrugë tjetër veçse të përfundojë në spital.

“Deri në fund të vitit, do ta keni në sanatorium”, ishte komenti i tij.

Njeriu që shërbeu si kryetar i Shërbimit të Inteligjencës Britanike nga viti 1999 deri në 2004, thotë se shtrimi i Putinit në spital, do t`i hapë rrugën largimit të tij nga detyra pa grusht shteti.

Sipas mediave britanike, shëndeti i shefit te Kremlinit u përkeqësua ndjeshëm të premten dhe mjekët e kanë këshilluar të shmangte takimet për disa ditë. Shtypi anglez thotë se vendin aktualisht po e drejton në mungesë të tij kryetari i këshillit të sigurisë kombëtare, ish agjenti i FSB-së, Nikolai Patrushev.

Edhe Christo Grozev i Bellingcat, ekspert mbi sigurinë ruse, pohoi përpara disa ditësh se zyrtarë të lartë të sigurisë në Kremlin e konsiderojnë tashmë të “humbur” luftën në Ukrainë.

Putini sipas tyre, po i humbet fuqitë dhe njerëzit e besuar të tij, po reduktohen në numër. Kreu i inteligjencës ushtarake të Ukrainës, gjeneralmajor Kyrylo Budanov tha për Sky News javën që shkoi Vladimir Putin, përveçse mjaft i sëmurë fizikisht, është edhe “në një gjendje shumë të rënduar psikologjike”.

Budanov u shpreh optimist se Ukraina do të arrijë ta mposhtë armikun dhe se lufta do të “mbarojë deri në fund të vitit”.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00