Prishtinë, 18 Janar - Ministri i ashtuquajtur për Kosovën në qeverinë e Serbisë, Goran Bogdanoviç, ka thënë sot se serbët duan të jenë pjesë e BE-së dhe të vazhdojnë dialogun rreth Kosovës, ngase sipas tij çështja e Kosovës ende nuk është zgjidhur në mënyrë që të jenë të kënaqur edhe serbët edhe shqiptarët.

I pyetur nëse BE-ja mund të miratojë amendament më të cilin nga dialogu midis Beogradit dhe Prishtinës kërkohet përjashtimi i çështjes së statusit, Bogdanovici ka thënë se “në bisedimet me përfaqësuesit e BE-së, asnjëherë nuk janë kushtëzuar me çështjen e Kosovës, që, sipas tij, “rrugë në vete është BE-ja, e rrugë tjetër është Kosova”.