05 Korrik 2022

BE-Portugalisë: Uli shpenzimet që të mos përfundoni si Greqia

Bruksel, 16 prill - Bashkimi Europian ka paralajmëruar Portugalinë se duhet që të shkurtojë më shumë buxhetin dhe ndërkaq ka njoftuar se do të nxjerrë një sërë rregullash të reja të rrepta për buxhetet e qeverive të tjera të BE-së, në mënyrë që në këto vende të mos ndodhin situata të tilla prag falimentimi, si ajo që po përjeton aktualisht Greqia.

Kriza greke ka vënë në rrezik të madh edhe vetë monedhën e përbashkët. Për sa i përket rregullave të reja, vendet që përbëjnë Zonën Euro janë të lutura që t’i binden.

Komisioneri Ekonomik, Oli Rehn, deklaroi se për të shmangur një krizë të rëndë të deficitit buxhetor, Portugalia, një nga vendet shumë problematike, duhet që të shtojë masat shtrënguese ndaj shpenzimeve, si ato që u morën një muaj më parë në Greqi, në mënyrë që ta ulte ndjeshëm deficitin.

Si Greqia, edhe Portugalia, dhe disa vende të tjera të Eurozonës që janë në jug të Europës, po përballet me një krizë shumë të rëndë të deficitit buxhetor.

Faktorët që e rëndojnë më shumë këtë krizë janë shtimi i papunësisë, perspektivat e ulëta të rritjes ekonomike.

Për sa i përket Greqisë, ajo fitoi një kredi 30 miliardëshe nga vendet e BE-së, nëse nuk do të arrijë që t’ia dalë mbanë e vetme të ulë deficitin buxhetor brenda normave që i ka vënë vetes për këtë vit.

Ky vendim ka ndihmuar në radhë të parë që të qetësojë tregjet financiare ndërkombëtare, në lidhje me sigurinë e Athinës për të dalë nga situata.

Por sipas BE-së, kjo kredi do të jepet vetëm në rast se Greqia nuk do t’ia dalë përmes përpjekjeve të veta. Synimi i saj është që brenda këtij viti, përmes masave shtrënguese në shpenzime që ka marrë, ta ulë deficitin në masën 9%.

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)