18 Gusht 2022

BE i bën thirrje partive në Shqipëri t’i japin fund krizës politike

Bruksel, 16 maj - Fillimi i javës së tretë të grevës së urisë ku janë futur 22  deputetë socialistë dhe 180 mbështetës të opozitës ka intensifikuar thirrjet e BE-së drejtuar klasës politike të Tiranës për arritjen e një marrëveshjeje mes palëve dhe daljen nga kriza.

Ambasadori i BE-së në Shqipëri, Helmuth Lohan, tha dje gjatë një konference se nuk ka më kohë për të pritur.

"BE do të mirëpresë çfarëdolloj marrëveshjeje që do të arrijnë udhëheqësit politikë të Shqipërisë, bazuar në dy parime themelore, respektim të kushtetutës dhe transparencë. Ka ardhur koha që ata të veprojnë në mënyrë vendimtare për një zgjidhje të ngërçit politik."

Që nga fillimi i grevës, për herë të parë, lideri i Partisë Socialiste Edi Rama publikoi dje formulën e kompromisit, për të cilën PS është e gatshme të ndërpresë grevën e urisë dhe të arrijë një marrëveshje me qeverinë.

"Jemi të gatshëm ta zgjidhim sot këtë krizë duke pranuar kompromisin të bazuar plotësisht në të drejtën kushtetuese për të filluar menjëherë hetimin e fletëve të votimit dhe duke pritur që për kutitë ku ndodhen fletët e votimit të ketë një opinion të pavarur nga një instancë e respektuar prej të gjithëve, siç është Komisioni i Veneciës,” tha dje Edi Rama.

Kryemnistri Berisha deklaroi dje se i vetmi dokument mbi bazën e të cilit mund të zgjidhet kriza politike është Rezoluta e Asamblesë Parlamentare të Këshillit të Evropës, e cila përjashton hapjen e kutive të votimit. 

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)