26 Shtator 2021

Arben Imami: Të shuhen struktura paralele në Kosovë

Stamboll, 6 shkurt - Ministri i Mbrojtjes, Arben Imami, i pranishëm në takimin ministror të NATO-s në Stamboll, u shpreh se Shqipëria mbështet Kosovën në rrugën e saj të integrimit në organizatën veri-atlantike.
Ministri shqiptar u shpreh se janë të pa pranueshme strukturat paralele në veri të Kosovës, veçanërisht në Mitrovicë.

"Sa i përket Kosovës, tha ministri Imami, vlerësimi ynë është se stabiliteti politik është i qartë, progresi është i dukshëm. “Kosova mund të quhet një histori suksesi por sigurisht që hapat që duhen ndërmarrë duhen marrë me kujdesin më të madh, sidomos duke pasur parasysh faktin që një pjesë e këtij vendi, pjesa veriore e tij ka probleme të sigurisë”, ka thënë ministri Imami.

Për ne është e rëndësishme që Kosova duhet të futet në kursin e integrimit rajonal dhe në veçantë rrjedhat e integrimit Euro-Atlantik. Kjo do të ishte garanci e fundit për paqe dhe stabilitet në Kosovë dhe rajon.

 

Ky takim u ndoq nga Sekretari i Përgjithshëm i NATO-s, Anders Fogh Rasmussen, si dhe ministrat e Mbrojtjes të vendeve anëtare të Aleancës së Atlantikut të Veriut. Takimi u ndoq edhe nga Sekretari i Mbrojtjes i SHBA, Robert Gates. Gjatë takimit u diskutuan  tri çështje të rëndësishme: Buxheti i NATO-s, Kosova dhe Afganistani.
 

Kalendari

Ngjarjet e datës 26 Shtator 2021

- Kryetari i Komunës së Prizrenit, Mytaher Haskuka do të merr pjesë në edicionin e tretë "Race for the Cure" të organizuar nga shoqata e pacientëve të kancerit të gjirit Renesansa. (Ura e Arastës, ora 10:00)

- Federata e Pingpongut organizohen 2 xhirot e radhës në Superligën e Meshkujve dhe 2 xhiro në Superligen e femrave. (Shkolla 'Motrat Qiriazi' në Prizren, ora 10:00)

- Mbahet edicioni i trete i Race for the Cure Kosova 2021, në Prizren. (Sheshi i Lidhjes se Przrenit, ora 10:00)