26 Tetor 2021

Vihet gurthemeli i shkollës fillore në Gushavc të Mitrovicës

Prishtinë, 22 nëntor - Në fshatin Gushavc të Mitrovicës, sot është vënë gurthemeli për ndërtimin e objektit të ri të shkollës fillore “Harun Beka”, projekt ky i cili kap shumën 1 milionë e 300 mijë euro.

Në vënien e gurthemelit të kësaj shkolle ishte i pranishëm kryetari i komunës, Agim Bahtiri, nënkryetari, Faruk Mujka, drejtori për Gjeodezi, Kadastër dhe Pronë, Hysen Muzliukaj, zyrtarë komunal, si dhe banorë të këtij fshati.

Me këtë rast, kryetari Bahtiri, ka uruar nxënësit, mësimdhënësit dhe prindërit për fillimin e ndërtimit të kësaj shkolle të re, duke theksuar se gjithmonë prioritet e ka pasur ngritjen e cilësisë së arsimit në qytetin e Mitrovicës.

Gjithashtu kryetari Bahtiri falënderon edhe MASHT-in për mbështetjen e dhënë në bashkëfinancimin e këtij projekti, dhe se me ndërtimin e kësaj shkolle do të krijohet ambient më i përshtatshëm dhe do të plotësohen nevojat për mësimdhënie dhe mësimxënie.

Ky projekt po realizohet pas nënshkrimit të marrëveshjes së bashkëfinancimit mes Komunës së Mitrovicës dhe Ministrisë së Arsimit, Shkencës dhe Teknologjisë.



 

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)