23 Shtator 2021

UPZ arrin marrëveshje bashkëpunimi me Kutahya Dumlupinar University

Prishtinë, 20 janar - Universiteti “Ukshin Hoti” në Prizren të hënën ka arritur marrëveshje bashkëpunimi me Kutahya Dumlupinar University, nga Turqia.

 Marrëveshja është nënshkruar nga Prorektori për Marrëdhënie me Jashtë dhe Ngritje të Cilësisë, Prof. Ass. Dr. Soner Yildirim dhe Prof. Dr. Muammer Gavas zv. Rektor.

Në takim ishin edhe Prorektori për mësimdhënie, kërkime shkencore dhe çështje të studentëve, Prof. Ass. Dr. Shemsi Morina dhe Prof. Dr. Abdurrahman Unsal, drejtor i Zyrës për studentët ndërkombëtar.

Marrëveshja është arritur për projekte të përbashkëta ndërkombëtare, programet e mobilitetit Erasmus+ dhe Mevlana, projekte kërkimore dhe organizimin e konferencave shkencore të përbashkëta, seminare dhe takime akademike të interesit të përbashkët.
 

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)