07 Dhjetor 2021

UP, jep dorëheqje Kryetari i Parlamentit të Studentëve

Prishtinë, 31 maj - "Me anë të këtij shkrimi dëshiroj të ju njoftoj se nga dita e sotme 31 Maj 2011,  për arsye personale më duhet të jap dorëheqje nga Kryetari i Parlamentit të Studentëve të Universitetit të Prishtinës" ka thënë Kryetari i deritashem i Parlamentit të Studentëve të UP-ës , Selim Daku.

"Dorëheqjen fillimisht e kam paraqitur në kryesinë e PSUP-ës, poashtu nesër në ora 17:00 do të mbahet mbledhja e Parlamentit të Studentëve të UP-ës ku do ta paraqesë doreheqjen time nga funksioni i Kryetarit të PSUP-ës, janë këto dy institucione kryesore të përfaqësimit të studentëve, njëkohësisht edhe institucione që kam bashkpunuar më së shumti, dhe të cilat i falenderoj për mbështetjen e parezervë gjatë kësaj rruge një vjeqare që patëm", ka theksuar ai.


Gjithashtu nëpërmjet të këtij shkrimi dëshiroj t'i njoftoj edhe të gjitha organizatat dhe institucionet tjera që veprojnë në Kosovë dhe jasht saj dhe njëkohësisht t'i falenderoj për bashkpunimin dhe ndihmën që kane ofruar gjatë aktiviteteve te ndryshme.

Me aktivitetet dhe angazhimet që patëm bëmë që të dëgjohet sadopak zëri i studentëve në proceset që zhvilloheshin brenda UP-ës dhe jasht saj, në krahasim me periudhat e mëherëshme kemi bërë shumë punë, por në krahasim me atë se cfar mundë të bëjmë është shumë pak , kështu që cdo herë puna e të gjithëve le shumë për të dëshiruar.


Me tërë qenien time jam përkushtuar për të kryer me nderë dhe krenari besimin e dhënë, dhe prap them që kontributi im për studentët nuk do të ndalet me kaq pasi në një apo formë tjetër do të jem cdo herë pran tyre.

 
Patjeter qe jam i obliguar te kerkoj ndjesë per cdo lëshim, dhe për gjëra që nuk ju kanë pëlqyer gjat këtij mandati.

Dhe krejt ne fund, nesër me 01.06.2011 në ora 17:00, kemi paraparë mbledhjen e radhës së PSUP-ës ku në bazë të marrëveshjes së koalicionit të organizatave studentore qeverisëse do të zgjedhet Kryetari i ri i PSUP-ës. 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)