06 Dhjetor 2022

Universiteti i Gjilanit shënon 7 vjetorin e themelimit

Gjilan, 10 mars - Pas intonimit të himneve, atij të Kosovës, Kombëtar dhe himnit të Universitetit të pranishmëve u është drejtuar me një fjalë rasti Rektori Bajram Kosumi.

Rektori pasi ka uruar të gjithë për 7 vjetorin e themelimit, derisa ka folur për  të arriturat e Universitetit Publik “Kadri Zeka”,  zhvillimin si dhe për aktivitetet një vjeçare, nga përvjetori i 6-të e deri më tani.

Rektori Kosumi i ka theksuar dy ngjarjet më të rëndësishme të vitit 2019, themelimin e Fakultetit të Shkencave Aplikative, programi studimor Matematika Arsimore si dhe projektin QUADIK, ku për herë të parë UKZ ka fituar projektin më të madh deri më tani që është i pari si Koordinator në programin e Komisionit Evropian Erasmus + “ Ngritja e Kapaciteteve të Zyrave për bashkëpunim Ndërkombëtar, zhvillimi i cilësisë  dhe menaxhimin e projekteve”, me 18 partnere, vendorë, rajonal dhe evropian.

Rektori po ashtu ka folur edhe për mandatin e ri të organeve udhëheqëse të universitetit, për  Ceremoninë e III-të të Diplomimit  të Studentëve, ku deri tani numri i të diplomuarve është 982.

Në fjalën e tij Rektori po ashtu ka përmendur edhe procesin e akreditimit, duke treguar për aplikimin e programeve të reja të studimit për fakultetet. Gjithashtu Rektori ka folur edhe për mobilitetin dhe aktivitetet e studentëve, vizitat studimore, projektet vendore e ndërkombëtare, marrëveshjet e bashkëpunimit, punëtoritë, konferencat, anëtarësimet në organizatat studimore, vizitat brenda dhe jashtë UKZ-së, etj..

Në fjalën e tij, Rektori Bajram Kosumi ka ftuar të gjithë, për punë të përbashkët në zhvillimin e mëtutjeshëm të Universitetit.

Kryetari i Komunës së Gjilanit,  Lutfi Haziri në fjalën e tij, ka uruar për përvjetorin e 7 të UKZ-së, duke thënë se me themelimin e këtij Universiteti Gjilani ka marrë emrin qyteti Universitar.

Ai ka thënë se Komuna mbështete të gjitha projektet e Universitetit, derisa ka njoftuar se tashmë kampusi i UKZ-së është duke marrë formë, falë bashkëpunimit që Komuna ka me Universitetin. Kryetari Haziri ka thënë se me Universitetin “Kadri Zeka” duhet të jemi krenar të gjithë dhe duhet ta ndihmojmë në rritjen dhe zhvillimin e tij.

Ndërsa në fjalën tij  Kryetari i Komunës së Kamenicës, Qëndron Kastrati  ka thënë se është kënaqësi të jesh pjesë e shënimit të 7 vjetorit të themelimit të UKZ-së.  Ai ka shtuar se Universiteti ‘Kadri Zeka” edhe pse i ri, ka arritur të ketë potencial të madh për të shërbyer në edukimin e studentëve, gjë për të cilën duhet të mburremi të gjithë.

Kurse në fjalën e saj Kryetarja e Parlamentit të Studentëve,  Elite Bardhi ka thënë se jam e lumtur që sot gjendem këtu në shënimin e 7 vjetorit të Universitetit tonë të përbashkët, të këtij Universiteti që edhe ne studentët punuam dhe i dhamë jetë.

Rrugëtimi dhe sfidat e deritanishme ka thënë Elita,  po kuptimësohen me arritjen e gjeneratave paraprake. Universiteti nuk do të kishte jetë pa studentët, andaj marrëveshjet me Ersamus Plus dhe projektet të BE-së duhet jetësuar sa më shumë me mobilitet edhe të studentëve, sepse këto përvoja e ndërkombëtarizojnë edhe më shumë UKZ-në.

Më pas Qëndresa Isufi, Studente e Fakultetit të Edukimit ka interpretuar këngën “O vendi Im”

Në vazhdim Rektori Bajram Kosumi i ka dhënë  diplomën “Student i Dalluar” për nga një studentët me notën më të lartë mesatare në secilin fakultet.

Në Fakultetin e Edukimit diplomën studente e dalluar e ka marrë Elitë Bardhi, Adelina Ajeti studente e Fakultetit Juridik, ka marrë diplomën studente e dalluar, në Fakultetin Ekonomik  Arbana Haliti ka marrë diplomën studente e dalluar, kurse  në Fakultetin e Shkencave Kompjuterike diplomën studente e dalluar e ka marrë Albionë Leci.

Po ashtu Rektori Bajram Kosumi pas propozimeve të Këshillave të Fakulteteve, ka ndarë mirënjohje për kontribut akademik për vitin 2019 për profesorët e Universitetit “Kadri Zeka”. Në  Fakultetin e Edukimit mirënjohje ka marrë profesori  Ahmet Ibrahimi, në  Fakultetit Juridik Prof. Ass. Dr. Fejzulla Hasani ka marre mirënjohje, në Fakultetit Ekonomik Prof. Ass. Dr. Refik Kryeziu dhe në Fakultetin e  Shkencave Kompjuterike mirënjohje ka marrë Prof.Ass. Dr. Lindita Nebiu.

Kurse mirënjohje për kontributin e dhënë në zhvillimin e punës dhe administratës së Universitetit, Rektori Bajram Kosumi, i ka dhënë  Valon Syla, zyrtar i IT-së, Administrator i bazës së të dhënave.

Më pas para të pranishmëve Greta Azizi, ka interpretuar këngën ”Arbëreshe”

Po ashtu Rektori  ka ndarë mirënjohje edhe për Kryetarin e Komunës së Vitisë  Sokol Haliti dhe për Kryetarin  e Komunës së Kamenicës Qëndron kastrati, për bashkëpunim të shkëlqyer të Komunës me Universitetin.

Ndërsa për ndihmën në  zhvillimin e Universitetit në bashkëpunim ndërkombëtar, në emër të Rektorit Bajram Kosumi, prorektori për Bashkëpunim Ndërkombëtar Dukagjin Leka u ka dhënë  mirënjohje  Sergjio Tragudas, Përfaqësues i Zyrës së BE-së në Kosovë, në emër të Ambasadores Nataliya Apostolova, Shefe e Zyrës së BE-së në Kosove,  për mbështetjen e BE-së përmes "Programit Erasmus +" në zhvillimin e Universiteti Publik "Kadri Zeka" ,  Boris Sharlloëski Menaxher i Programit GIZ në Kosovë,  për mbështetjen në zhvillimin e Universitetit Publik "Kadri Zeka", përmes programit "Zhvillimi i Kapaciteteve në sektorin e arsimit bazë në Kosovë", dhe Aqim Emurli, Drejtues i ekipit HERAS  për  mbështetjen që ËUS Austri ka dhënë përmes projekteve HERAS, në zhvillimin e  Universiteti Publik "Kadri Zeka".

Rektori  Bajram Kosumi gjithashtu mirënjohje u ka ndarë XHELAL SELIMI, Kryetar i Bordit Industrial të Universitetit njëherësh Drejtor i Kompanisë CALABRIA, Fejzulla Mustafa drejtor i Kompanisë FLUIDI dhe Enver Vokshi  drejtor i Kompanisë Energy Design, për zhvillimin e marrëdhënieve Universitet-biznes.

Në  këtë organizim kanë marrë pjesë  Kryetarë të Komunave,   Rektorë të Universiteteve, Deputetë te Kuvendit të Republikës se Kosovës, kryetar i Parlamentit Studentor,  mysafirë e pjesëmarrës të jetës politike, arsimore e shkencore, përfaqësues të Policisë, FSK-së, KFORIT, udhëheqës  të  institucioneve rajonale,  profesorë, studentë, punonjës të Universitetit “Kadri Zeka”  përfaqësues të bizneseve dhe OJQ-ve, dhe  pjesëmarrës të tjerë.

Ndërsa studentët e Fakultetit te Edukimit programi parashkollor kanë përgatitur ushqimet  tradicionale, në mbështetje në ndihmë për  fëmijëve me nevoja të veçanta.

 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)