09 Shkurt 2023

Universiteti i Gjakovës anëtarësohet në Unionin e Universiteteve Mesdhetare

Gjakovë, 30 gusht - Universiteti “Fehmi Agani” në Gjakovë ka pranuar konfirmimin zyrtar për anëtarësimin në Unionin e Universiteteve Mesdhetare (UNIMED), nga Presidenti, Prof. Francisco Matte Bon.
 
Qëllimi i anëtarësimit në UNIMED është të zhvillojë kërkimin dhe edukimin në zonën Euro-Mesdhetare në mënyrë që të kontribuojë në bashkëpunimin shkencor, kulturor, social dhe ekonomik, duke vepruar në fusha të ndryshme shkencore.

Unioni i Universiteteve Mesdhetare (UNIMED) është i themeluar në tetor të vitit 1991 nga Prof. Franco Rizzi, është një shoqatë e universiteteve nga vendet e pellgut të Mesdheut.

Përmes nismave të shumta të kryera gjatë gati tre dekadave, UNIMED ka promovuar bashkëpunimin midis universiteteve të Mesdheut, duke u bërë një pikë referimi për bashkëpunimin ndërkombëtar të universiteteve.
 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)