28 Nëntor 2021

UKZ përfitues i projektit në MASH për vlerësimin e teksteve shkollore nga klasa I-V

Gjilan, 5 nëntor - Në kuadër të Granteve shkencore 2020 në Ministrin e Arsimit dhe Shkencës Universiteti “Kadri Zeka” në Gjilan përkatësisht Institutit për Trajnime dhe Hulumtime Arsimore është përfitues i projektit me titull “Ndikimi i teksteve shkollore nga klasa I-V në zhvillimin e mendimit kritik të nxënësve”.

Drejtori i institutit Prof. Ass. Dr. Mensur Neziri – udhëheqës i projektit dhe ekipi në përbërje të Prof.Ass. Dr. Emin Krasniqi, Prof. Asoc. Dr. Nevrije Ismajli, Ass. Rina Rasimi, Ass.Liridona Mehmeti, Prof.Dr. Fadbi Osmani – konsulent, studentet Elitë Bardhi, Verona Huruglica dhe Alisa Bekteshi do të punojnë në realizimin e këtij projekti.

Qëllimi i projekti  është të eksplorojë dhe të masë se deri në çfarë mase tekstet shkollore nga  klasa I – V dhe kompetencat e mësimdhënësit në klasë, krijojnë mundësi për zhvillimin e mendimit kritik të nxënësve të shkollës fillore në Kosovë.

Dizajni i këtij projekti është kryer sipas kombinimit të tri metodave kryesore: të analizës së përmbajtjes, intervistimit të mësimdhënësve dhe vëzhgimit në klasë, duke krahasuar rezultatet nga analiza e përmbajtjes (skeda) nga intervistimi i mësimdhënësve dhe vëzhgimi në orët mësimore, ku mund të arrijmë në disa përfundime të dobishme, si për hartuesit e kurrikulave ashtu edhe për zbatuesit e tyre. Gjithashtu, përmes krahasimit të mesatareve të rezultateve mund të shihet se cili nga tekstet, njësitë mësimore, ka ndikuar në ngritjen e nivelit të mundësive për MK dhe gjithashtu mund të shohim se cili nga tekstet apo njësitë mësimore jep më pak mundësi për zhvillimin e mendimit kritik të nxënësve. Si për rastin e parë ashtu edhe për të dytin këto rezultate do t’iu hyjnë në punë hartuesve të kurrikulave e veçanërisht autorëve të teksteve për të parë anët e forta dhe të dobëta të tekstit mësimor.

 Faza e parë e këtij projekti do të zgjasë rreth 9 (nëntë) muaj.

Rezultatet e pritura nga ky projekt mbi ndikimin e përmbajtjeve tekstuale që nxisin zhvillimin e mendimit kritik do të mbështeten në rezultatet e këtij studimi. Rezultatet e paraqitura natyrshëm çojnë në nxjerrjen e disa përfundimeve me interes për hartuesit e teksteve dhe politikbërësit e kurrikulave shkollore në Kosovë. Gjithashtu, ndihmë të veçantë ky projekt do ti ofroj edhe Ministrisë së Arsimit dhe Shkencës në planifikimin e politikave arsimore dhe implementimin e udhëzimeve që shërbejnë në mënyrë të drejtpërdrejtë në ngritjen e efikasitetit dhe cilësisë së teksteve shkollore.

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)