30 Nëntor 2022

U promovua doracaku “Mësimdhënia e historisë sot”

Prishtinë, 9 nëntor - “Mësimdhënia e historisë sot - qasjet dhe metodat”, është doracaku i autores Luisa Black, i cili u promovua sot në Bibliotekën Kombëtare dhe Universitare të Kosovës.

Doracaku është shkruar nga të arriturat gjatë seminareve të historisë, të mbajtura nga puna në projektin e përbashkët “Interkulturalizmi dhe Procesi i Bolonjës”,  projekt ky i financuar nga Bashkimi Evropian dhe i menaxhuar nga Zyra ndërlidhëse e Komisionit Evropian në Kosovë, i implementuar nga Këshilli i Evropës dhe i mbështetur nga Ministria e Arsimit, Shkencës dhe Teknologjisë.

Nehat Mustafa, zëvendësministër i Arsimit, tha se MASHT-i fillimisht ka kaluar fazën emergjente të infrastrukturës shkollore, sepse dihet se në këtë drejtim Kosova ka qenë në gjendje të keqe pas luftës.

Ndërsa, ai tha se vitet e fundit Ministria e Arsimit ka hyrë në fazën më domethënëse, atë të ngritjes së cilësisë dhe në këtë drejtim ai përmendi ngritjen e pagave të arsimtarëve dhe zhvillimin profesional të tyre.

“Me këtë doracak, ne konsiderojmë se po bëhemi pjesë e të gjitha proceseve të edukimit në Evropë”, tha zv/ministri Mustafa.

Ai theksoi se deri vonë, mësimi i historisë në shkollat tona ka qenë memorizues, ndërsa tash dëshirojmë që të kemi një proces analitik të mësimit të historisë.

Zv/ministri i Arsimit, theksoi se në procesin e licencimit të mësimdhënësve, komponenta e parë është zhvillimi profesional i mësimdhënësve.

“Kjo dëshmon për rëndësinë që po i japim zhvillimit profesional, sepse mësimdhënësve tanë për një kohë të gjatë iu ka munguar kjo, ndërsa tash kemi në dorë një material (doracakun) shumë të rëndësishëm, nga i cili do të organizojmë trajnime të veqanta për mësuesit e historisë”, tha ai.

Për rëndësinë e doracakut “Mësimdhënia e historisë sot – qasjet dhe metodat”, folën edhe Tim Cartwright, shef i Zyrës së Këshillit të Evropës në Prishtinë, Cristof Stock, shef i opracioneve të Komisionit Evropian në Kosovë, të cilët theksuan se ky është një udhëzues i mirë se si të mësohet historia, e cila në Evropë shpesh ka qenë e keqpërdorur.

Kalendari

Ngjarjet e datës 30 nëntor 2022

- Iniciative për Drejtësi dhe Barazi INJECT dhe Iniciativa Kosovare për Stabilitet IKS organizojnë diskutimin publik për iniciativat e reja ligjore për Mbrojtjen e Grave. (Hotel Sirius, ora 9:00)

- Kosova Women 4 Women  në bashkëpunim me Departamentin e Punës Sociale të Universitetit të Prishtinës organizon konferencën "Politikat në veprim kundër dhunës në baza gjinore". (Hotel Sirius, ora 9:00)

- Zëvendëskryeministër i parë për Integrim Evropian, Zhvillim dhe Dialog, Besnik Bislimi raporton para Komisionit për Integrim Evropian. (Ndërtesa e Kuvendit, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë shqyrton kërkesën për shtim të mjeteve buxhetore për Agjencinë e Kosovës për Inteligjencë në Projektligjin për Buxhet për vitin 2023. (Ndërtesa e Kuvendit, salla N302, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me Fabian Salvioli raportues special i OKB-së për promovimin e së vërtetës, drejtësisë, dëmshpërblimit dhe garancive për mospërsëritje të shkeljeve të të drejtave të njeriut dhe të së drejtës ndërkombëtare. (Ndërtesa e Kuvendit, salla N10, ora 10:00)

- Agjencia e Punësimit në bashkëpunim me GIZ Kosova, Universitetin e Prishtinës dhe Oda Ekonomike Gjermano-Kosovare organizojnë ceremoninë e hapjes së edicionit të shtatë të Panairit Kombëtar të Punës, Karrierës dhe Ndërmarrësisë. (Salla “1 Tetori”, ora 10:00)

- Komisioni për Buxhet, Punë dhe Transfere shqyrton raportet lidhur me shqyrtimin e Projektligjit për Borxhin Shtetëror dhe Garancitë Shtetërore. (Ndërtesa e Kuvendit, salla C203, ora 10:00)

- Institutit për Politika Zhvillimore organizon edicionin e dytë të Forumit të OZhQ-ve me titull ‘Koordinimi në mes të nivelit lokal dhe qendror të qeverisjes për zbatimin e Agjendës 2030'. (Hotel Emerald, ora 10:00)

- Komuna e Rahovecit organizon konsultimin publik me qytetarë për planin e Mobilitetit Urban në Rahovec. (Hotel Park Plaza, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, nga fushëveprimi që mbulon Komisioni për Legjislacion. (Ndërtesa e Kuvendit, salla N204, ora 11:00)

- Aleanca Kosovare e Bizneseve mban Kuvendin e VIII Zgjedhor Qendror. (Hotel Amazona, ora 11:00)

- Mbahet seanca plenare e Kuvendit​ të Republikës së Kosovës në të cilën do të paraqitet në interpelancë me kryeministrin, Albin Kurti për çështjen: "Masat urgjente të Qeverisë së Republikës së Kosovës në raport mesituatën e krijuar në vend". (Kuvendi i Kosovës, ora 11:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Komunën e Kamenicës me ç ‘rast do të​ takohen me Kryetarin, Kadri Rahimaj. (Komuna e Kamenicës, ora 12:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Shkollën Fillore të Mesme të Ulët, "Xhavit Ahmeti" në fshatin Hodonoc, Komuna e Kamenicës. (Objekti i Shkollës në fshatin Hodonoc, ora 13:00)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 14:00)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të jenë afër grave që udhëheqin biznese, znj. Ibadete Sadiku, znj. Kadrije Mustafa dhe znj. Emine Kërhanaj. (Kamenicë, ora 15:00)