19 Tetor 2021

Studentët paralajmërojnë protestë

Prishtinë, 13 maj - Rektori i Universitetit të Prishtinës, Mujë Rugova, jashtë kompetencave të tij po vazhdon me shkeljet ligjore, pasi që me shtyrjen e zgjedhjeve studentore po tenton t’ia zgjasë mandatin vetës, kanë thënë drejtues të organizatave studentore.

Ato kërkojnë që zgjedhjet të mbahen në bazë të afatit të paraparë, në të kundërtën ata do të organizojnë protestë, ku do të bllokohen të gjitha veprimet e rektoratit.

Kryetari i organizatës ”Paqja studentore”, Ekrem Zajmi , gjatë një konference për media të mbajtur të dielën, ka thënë se shtyrja e zgjedhjeve studentore nga ana e Këshillit Drejtues të Universitetit të Prishtinës ka ndodhur me kërkesën individuale të kryetarit të Parlamentit Studentor, i cili pa pyetur organizatat studentore ka bërë një kërkesë për shtyrjen e këtyre zgjedhjeve.

Sipas tij, janë tetë organizata kundër shtyrjes së zgjedhjeve studentore dhe pas një pritje kanë ardhur në përfundim që duhet të protestojnë të mërkurën, duke filluar nga ora 12:00.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)