28 Mars 2024

SBASHK prezantoi gjendjen aktuale në arsimin e Kosovës

Prishtinë, 9 prill - Internacionalja e Arsimit (EI) gjatë gjithë kohës po vazhdon komunikim me Sindikatat anëtare të arsimit nga e tërë bota, që përfaqësojnë 32 milionë  punëtorë të arsimit.

Për t’i inkurajuar për punë e angazhime edhe në këtë situatë të vështirësuar sekretari i përgjithshëm  i EI-së, David Edvards ka mbajtur një takim nga larg  me përfaqësues  të sindikatave anëtare.

Në hapje të këtij  takimi Edvards  ka folur për situatën e krijuar nga virusi Corona COVID-19 dhe ka përgëzuar punëtorët e arsimit duke u shprehur se Internacionalja e Arsimit po përcjell me vëmendje situatën aktuale dhe  qëndron në mbështetje të kolegëve kudo në botë, të cilët po angazhohen me tërë mundësitë për të realizuar sa më mirë procesin mësimor nga larg.

Përfaqësues  nga shtetet  e ndryshme kanë prezantuar angazhimet që po bëhen kudo në shtetet e botës për të realizuar mësimin nga larg , sfidë kjo, si thanë ata,  që po paraqet kudo vështirësi, por nuk mungojnë angazhimet e punëtorëve të arsimit.
  
Pjesë e këtij takimi nga larg ishte edhe SBASHK-u. Përfaqësuesit e Sindikatës së Arsimit të Kosovës kanë prezantuar  gjendjen aktuale në arsimin e shtetit tonë duke treguar edhe për angazhimet që janë duke u bërë në shërbim të realizimit sa më të mirë të procesit mësimor nga larg.

”Respekt për EI-në dhe në veçanti për sekretarin e përgjithshëm Edvads, që edhe  në këtë situatë kur e gjithë bota është e ballafaquar në luftën kundër  COVID-19,  na ka lidhur përmes kësaj platforme që ne po prezantojmë situatën në vendet tona, por gjithashtu po marrim  këshilla dhe përvojë me vlerë.

SBASHK çdo ditë mban takime nga distanca me mësimdhënës e me psikologë nga e gjithë Kosova dhe për të bashkëbiseduar në përpjekjet e përbashkëta për suksese sa më të mëdha.

Punëtorët e arsimit të Kosovës  janë të përkushtuar në realizimin e mësimit nga larg dhe për këtë kanë edhe mbështetjen e SBASHK-ut dhe në shërbim  të arritjeve sa më të mëdha  organizojmë vazhdimisht takime nga larg  me kolegët tanë  duke  u dhënë mbështetje dhe duke i përgëzuar për angazhimet e tyre.”, kanë raportuar përfaqësuesit e SBASHK-ut në këtë takim nga larg të EI-së për të treguar se  vazhdon bashkëpunimi e komunikimi edhe me Ministrinë e Arsimit, e cila ka falënderuar dhe ka përgëzuar SBASHK-un për angazhimet dhe kontributin në shërbim të  zhvillimit të suksesshëm të procesit mësimor nga larg.

 
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)