05 Dhjetor 2022

Save the Children dhuron pako edukative për fëmijët me aftësi të kufizuar

Prishtinë, 5 maj - Zyra e Save the Children në Kosovë ka njoftuar se se sot do të bëj shpërndarjen e 100 pakove me material didaktik, lodra edukative dhe pajisje higjienike.

Pakot do të shpërndahen në dhjetë shkolla fillore të Kosovës të cilat mbështesin arsimin gjithëpërfshirës të fëmijëve me aftësi të kufizuar të mbështetura përmes projektit ‘Promovimi i arsmit gjithëpërfshirës në Kosovë’ që zbatohet nga Save the Children në Kosovë në shtatë komuna të Kosovës. 

Në këtë përiudhë kur po përballëmi me një pandemi globale të Koronavirusit (COVID-19), është e rëndësishme që të ofrojmë qasje të barabartë për të gjithë fëmijët në arsimin gjithëpërfshirës nga distanca. Duke parë që në Kosovë kjo mungon, Save the Children në Kosovë, javën që shkoi mundësoi zhvillimin e platformës për arsim gjithëpërfshirës në distancë.

Në të njejtën kohë, këto pako me materiale didaktike, lodra edukative dhe pajisje higjienike dhe materiale me mesazhe vetëdijësuese për mbrojtje nga koronavirusi, do të shërbejnë si mbështetje shtesë për të gjithë vajzat dhe djemtë me aftësi të kufizuar që të mund të zhvillojnë aktivitetet edukative në kushte shtëpie.

Shpërndarja e këtyre pakove do të bëhet në bashkëpunim të ngushtë me drejtoritë komunale të arsimit, shkollat, dhe zyret lokale të Save the Children duke respektuar protokollet e sigurisë dhe procedurat standarde të operimit gjatë pandemisë COVID-19.

Save the Children në Kosovë është prezente në Kosovë që nga viti 1997, dhe punon për të siguruar të drejtat për të gjithë fëmijët në Kosovë përmes misionit të saj.

Në fushën e arsimit gjithëpërfshirës në Kosovë, Save the Children ka punuar vazhdimisht për të siguruar qasje më të mirë në arsimim gjithëpërfshirës në Kosovë.

Kjo është realizuar duke mbështetur ngritjen e numrit të mësimdhënësve mbështetës në institucione parashkollore dhe shkolla fillore; përkrahjen e ekipeve vlerësuese komunale; ngritjen e kapaciteteve të ofruesve të shërbimit në ofrimin e arsimit gjithëpërfshirës; si dhe zhvillimin e instrumenteve të ndryshme që përmirësojnë qasjen dhe cilësinë në arsim gjithëpërfshirës për fëmijët me aftësi të kufizuara.

 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)