25 Tetor 2021

Rezultatet e PISA, Kosova shënon rënie në shkencë, ngritje në lexim dhe matematikë

Prishtinë, 3 dhjetor - Ministri i Arsimit, Shkencës dhe Teknologjisë, Shyqiri Bytyqi, ka bërë publik raportin e vlerësimit ndërkombëtar të nxënësve PISA 2018, me ç’rast bëri të ditur se, Kosova ka ngritje pozitive në lexim dhe matematikë, krahasuar me testin e vitit 2015, ndërsa rënie e lehtë e rezultateve janë shënuar në shkencë.

Në PISA-2018, mesatarja e aftësisë në lexim e OBEZh-it është 487 pikë. Kjo është pika me të cilën performanca e çdo vendi krahasohet. Në Kosovë, mesatarja e performancës në lexim është 353 pikë.

Mesatarja e OBEZh-it në matematikë është 489 pikë në vitin 2018. Në Kosovë, performanca mesatare në matematikë është 366 pikë.

Ndërsa, në Kosovë, performanca mesatare në shkencë është 365 pikë, derisa mesatarja e OBEZh-it është 489 pikë në vitin 2018.

Ministri Bytyqi ka thënë se, arsyet për këtë ngritje në matematikë dhe lexim dhe rënie në shkencë mund të dihen vetëm pas një analize, e cila kërkon kohë për t’u realizuar, ndërsa ka vlerësuar punën e mirë që është bërë në mbarëvajtjen e testit, e cila ka bërë që rezultatet të jenë të pranueshme nga Organizata për Bashkëpunim Ekonomik dhe Zhvillim (OBEZh).

“Ajo çka është vërejtur në këtë vlerësim është se kemi lëvizje pozitive në dy fusha, në fushën e matematikës dhe atë të leximit, në krahasim me rezultatet e vitit 2015. Ndërsa, në shkencë është vërejtur një rënie në rezultate në krahasim me ato të vitit 2015. Arsyet e ngritjes në dy fusha dhe rënies në shkencë duhet kohë që të analizohen nga profesionistët, duke vlerësuar raportet e secilës shkollë dhe secilit nxënës pjesëmarrës, për të dalë me rezultate konkrete”, është shprehur ministri Bytyqi.

Ministri Bytyqi, po ashtu e ka vlerësuar faktin se, në vitin 2018 nxënësit i janë nënshtruar testimit në formë dixhitale, për dallim nga viti 2015 kur nxënësit i ishin nënshtruar testimit në formën laps dhe letër.

Ministri Bytyqi ka theksuar se edhe pjesëmarrja e Kosovës në dy testime të tjera ndërkombëtare, TIMSS dhe PIRS është pozitive sa i përket vlerësimit të gjendjes në arsim dhe përmirësimit të saj në të ardhmen.

Në konferencë, po ashtu është bërë e ditur se, Divizioni për Vlerësim, Standarde dhe Monitorim/MAShT ka përgatitur një raport me të dhëna rreth vlerësimit të PISA 2018, i cili do të bëhet publik.

Këtë vit Testit PISA i janë nënshtruar 79 shtete. Në Kosovë vlerësimit të vitit 2018 i janë nënshtruar mbi 5 mijë nxënës 15 vjeçarë nga mbi 200 shkolla.

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)