03 Tetor 2022

Përurohet shkolla e re e Suhadollit në veri të Mitrovicës

Mitrovicë, 17 shtator - Ministri i Arsimit, Shkencës dhe Teknologjisë (MASHT), Enver Hoxhaj, ministri i Brendshëm, Bajram Rexhepi dhe kryetari i komunës, Avni Kastrati, kanë përuruar të premten shkollën e re në Suhadoll në veri të Mitrovicës.

Ministri Hoxhaj ka thënë se kjo shkollë e re në këtë mjedis ku asnjëherë më parë nuk ka pasur shkollë është një hap dhe një garanci tjetër se Qeveria e Kosovës është duke shtrirë autoritetin në çdo cep të vendit. “Në këtë shkollë do të mësojnë nxënës nga Suhadolli, Kroi i Vitakut dhe Lagja e Doktorëve, ku është duke vazhduar procesi i rindërtimit dhe ku janë kthyer shumë familje për të jetuar si shenjë e jetës së re në këtë pjesë të Kosovës”.

Ai ka thënë se kjo shkollë  i jep kuptim jetës së banorëve të kësaj ane, mandej krijon mundësi për nxënie të njohurie të reja dhe është edhe një dëshmi për realizimin e qëllimit madhor për një shtet të dijes. “Kjo shkollë në këtë vend është tek e fundit një simbolikë për shtetin e Kosovës”, tha ai.

Në anën tjetër, drejtori i Drejtorisë së Arsimit në Komunën e Mitrovicës, Ali Bejta, theksoi se nxënësit e këtyre tri lagjeve të Mitrovicës, nuk do të kenë nevojë më që të udhëtojnë për në shkollat tjera të qytetit. “Komuna e Mitrovicës me ndihmën e MASHT-it e ka sjellur shkollën tek nxënësit”.

Ai sqaroi se në këtë objekt shkollor që funksionon në kuadër të shkollës    fillore “Aziz Sylejmani” mësojnë rreth 100 nxënës, duke filluar prej klasës së parë deri në klasën e nëntë. Drejtori Bejta sqaroi se tashmë janë tejkaluar hezitimet e disa prej banorëve që t’i dërgojnë fëmijët në këtë shkollë, meqë ishin mësuar që zakonisht fëmijët e tyre të shkojnë nëpër shkolla të ndryshme të qytetit.

Ai tregoi se për realizimin e projektit për ndërtimin e kësaj shkolle mjetet i ka ndarë MASHT-i në shumë prej rreth 200 mijë eurosh. Bejta gjithashtu theksoi se në gjithë komunën janë duke vazhduar investimet për krijimin e kushteve më të mira për punë. Në këtë kontekst përmendi meremetimet e shkollave, ndërtimin e anekseve, mandej objekteve të reja etj.

Drejtori Bejta tha se gjatë dy viteve të fundit me ndihmën e MASHT-it janë ndërtuar katër shkolla të reja fillore; në Shipol, Zhabar, Kodër dhe Suhadoll si dhe shkolla e mesme teknike në qytet, mandej pesë anekse shkollore që bashkëfinancohen nga komuna dhe USAID-i, ndërsa në ndërtim është shkolla e mjekësisë që financohet nga MASHT-i.          



Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)