07 Shkurt 2023

Përurohet parku dhe poligoni sportiv në shkollën e Breznicës

Prishtinë, 19 dhjetor - Ministri i Kulturës, Rinisë dhe Sportit, Memli Krasniqi bashkë me Shefin e Operacioneve në Zyrën Ndërlidhëse të Komisionit Evropian në Kosovë, Christof Stock, kanë përuruar sot parkun dhe poligonin sportiv të shkollës fillore “Naim Frashëri” të fshatit Breznicë të komunës së Obiliqit.

Në këtë ceremoni të pranishëm ishin edhe kryetari i Obiliqit, z.Mehmet Krasniqi, drejtues dhe mësimdhënës të shkollës si dhe përfaqësues nga organizata për migracion, IOM, dhe institucione tjera.

Ministri Krasniqi në fjalën e tij falënderoi Komisionin Evropian për mbështetjen që ka dhënë në realizimin e këtij projekti shumë të rëndësishëm për nxënësit e këtij fshati. Ai ka shprehur mbështetjen e MKRS-së për projekte të tilla.

“Ne kemi program të veçantë ndërtimin dhe renovimin e poligoneve sportive dhe gjatë këtij viti kemi investuar në shumë të tilla. Padyshim që mbështetja jonë do të vazhdojë në këtë drejtim edhe në të ardhmen dhe ne do të jemi gjithmonë të hapur për shkollat anë e kënd Kosovës, por poashtu, ne u jemi shumë mirënjohës donatorëve që po kontribuojnë, siç është rasti edhe këtu me donacionin e Komisionit Evropian”, tha ministri Krasniqi,

Ai shfaqi shpresën se me kushtet e krijuara në këtë shkollë nxënësit do të zhvillojnë talentin në sporte dhe kështu në një të ardhme të afërt të jenë pjesë e klubeve sportive.

Rregullimi i parkut të shkollës dhe i poligoneve sportive ka qenë një projekt i Komisionit Evropian në kuadër të programit “Beautiful Kosova”, që implementohet nga organizata për migracion, IOM.

Shefi i Operacioneve në Zyrën Ndërlidhëse të KE-së në Kosovë, Christof Stock, tha se ka qenë një kënaqësi për ta që të ndihmojnë në realizmin e një projekti të tillë.

Ai shtoi se tashmë nxënësit do të kenë një të ardhme më të mirë dhe kushte adekuate për aktivitete sportive si gjatë ashtu edhe pas mësimit.

Drejtori i shkollës dhe kryetari i komunës së Rahovecit, duke falënderuar donatorët për këtë investim thanë se kjo do të ndikojë që të rritet edhe cilësia në mësim e po ashtu edhe angazhimi i nxënësve.
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)