07 Shkurt 2023

Përurohet objekti i ri i shkollës “Sadedin Hajda” në Rahovec

Rahovec, 8 prill - Kryetari i Komunës së Rahovecit, Smajl Latifi, i shoqëruar edhe nga nënkryetari, Fatmir Iska dhe Avni Morina, drejtor i Drejtorisë Komunale të Arsimit, në prani të mësimdhënësve, nxënësve  dhe qytetarë qytetarëve, ka bërë përurimin e objektit të ri të Shkollës Fillore të Mesme të Ulët “Sadedin Hajda” në qytetin e Rahovecit.

Kryetari Latifi ka thënë se ndërtimi i objektit të kësaj shkolle dhe sallës së edukatës fizike, ishte projekt i investuar nga ish Ministria e Administratës Publike, që tash quhet Ministria e Punëve të Brendshme.

Ndonëse projekt i vonuar në kohë, sepse punimet kishin nisur në vitin 2017, ne sot jemi të lumtur që më në fund u finalizua.

“Nxënësit dhe mësimdhënësit e shkollës “Sadedin Hajda” deri më sot mbanin mësim në Shkollën e Mesme Profesionale, në ndërrimin e pasdites, ku edhe nuk e kishin as kohën e as hapësirën e mjaftueshme për të zhvilluar normalisht procesin edukativo-arsimor. Objekti i ri, që u përurua sot dhe salla e edukatës fizike janë të standardeve më të larta bashkëkohore dhe mundëson që nxënësve dhe mësimdhënësve të kësaj shkolle t’u ofrohen kushte shumë të mira."

"Objekti i ri i shkollës në vete përmban 3 klasa për edukimin parafillor, të gjitha klasat për klasat e Shfmu-së, ka sallë leximi, bibliotekë, sallën e kabinetit të teknologjisë informative, sallën për pajisje laboratorike, ashensor dhe të gjitha hapësirat e nevojshme për mbajtjen, zhvillimin dhe avancimin e procesit edukativo- arsimor në nivelet më të larta të cilësisë. Urime dhe ta gëzoni shkollën e re, të dashur nxënës, mësimdhënës e prindër”, është shprehur kryetari Latifi në fjalimin e tij.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)