27 Janar 2023

OSBE zgjeron edukimin për të drejtat e njeriut duke formuar Grupin e trajnuesve


Prishtinë, 3 qershor - Misioni i OSBE-së në Kosovë po mbështetë edukimin për të drejtat e njeriut përmes trajnimit të ca prej të rinjve të shumtë që kanë përfituar nga programet e mëparshme të Misionit.

Ky hap shënon një lëvizje nga praktika e deritanishme e mbajtjes së trajnimeve nga ana e OSBE-së tek një grup të rejash dhe të rinjsh të talentuar të cilët do ta përdorin ekspertizën e tyre në edukimin për të drejtat e njeriut për planifikim dhe realizim të aktiviteteve të propozuara nga Misioni dhe partnerë të tjerë institucionalë.

Që nga viti 2015, Misioni i OSBE-së në Kosovë ka trajnuar më se 2000 të rinj me prejardhje e përgatitje të ndryshme në fushën e edukimit për të drejtat e njeriut, shkathtësive të moderimit dhe të nxënit ndërkulturor.

Si rezultat i këtyre trajnimeve, Misioni ka identifikuar një grup bazë pjesëmarrësish të cilët kanë treguar gatishmërinë për t’u bërë edukatorë joformalë, duke shtruar kështu rrugën drejt formimit të një grupi trajnuesish.

“Kur fuqizojmë rininë, fuqizojmë të ardhmen” - tha Shqiponjë Kodraliu lidhur me përvojën e saj si pjesëtare e grupit të trajnuesve. “Shkëmbimi i përvojave me profesionistë të tjerë me përgatitje të ndryshme më ndihmon të zhvillohem profesionalisht dhe kontribuon në vendosjen e një standardi më të lartë për trajnuesit,” - shtoi ajo.

“Të rinjtë kanë qenë gjithnjë bosht i ndryshimeve të vërteta në shoqëri. Misioni i OSBE-së në Kosovë e ka njohur prej kohësh rolin e të rinjve si katalizatorë për paqe dhe siguri. Ne do të vazhdojmë së fuqizuari të rejat dhe të rinjtë për të ndërmarrë iniciativa që do të ndikojnë pozitivisht dhe do t’i formësojnë komunitetet e tyre” - deklaroi zëvendësshefi i Misionit të OSBE-së në Kosovë, Kilian Wahl.

Javën që shkoi, pjesëtarët e grupit të trajnuesve realizuan aktivitetet e tyre të para për Misionin, gjersa shumë tjera janë planifikuar në muajt në vijim.

Një nga aktivitetet kishte në fokus trajnimin e studentëve të juridikut nga Kosova mbi praktikën gjyqësore mbi të drejtat pronësore të Gjykatës Evropiane për të Drejtat e Njeriut.

Në këtë aktivitet të parë bashkëpunues, Besnik Beqaj, pjesëtar i grupit të trajnuesve, i informoi studentët rreth Gjykatës dhe qasjes së saj ndaj të drejtave pronësore, përfshirë ato të komuniteteve joshumicë.

“Një profesori i imi më pati thënë njëherë se ne lartësohemi duke i lartësuar tjerët. Unë e shoh këtë potencial në grupin e trajnuesve të OSBE-së” - tha Besniku.

Duke i marrë për bazë reagimet pozitive të pjesëmarrësve në trajnim, Misioni i OSBE-së në Kosovë do të vazhdojë që t’i punësojë pjesëtarët e grupit të trajnuesve për të punuar me të rinjtë në avancimin e shkathtësive dhe njohurive të tyre.

 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)