19 Tetor 2021

Organizohet debat publik për Arsimin Profesional dhe atë për të Rritur

Prishtinë, 6 prill -  Ministria e Arsimit, Shkencës dhe Teknologjisë, procesin e rishikimit të Ligjit për Arsimin e të Rriturve dhe Ligjit për Arsimin dhe Aftësimin Profesional të Kosovës e ka përmbyllur me organizmin e një debati publik, në të cilin kanë marrë pjesë drejtorët e Shkollave të Mesme Profesionale në Republikën e Kosovës, pjesëtarë të shoqërisë civile dhe përfaqësues të tjerë arsimor në vend.

Drejtori i Departamentit të Administratës së Arsimit Parauniversitar, Alush Istogu, duke folur në emër të kryetarit të grupeve punuese për rishikimin e këtyre dy ligjeve, tha se këto dy ligje janë mjaft të avancuara dhe në përputhje me nevojat e tregut të punës. “Këto ligje ngrisin nivelin e përgjegjësisë, detyrat dhe obligimet në nivel të ministrisë, por edhe në nivel të të gjitha instiucioneve të arsimit, Drejtorive Komunale dhe Shkollave të Mesme Profesionale”, theksoi Istogu.

Drejtori Istogu po ashtu theksoi se rishikimi i këtyre dy ligjeve është mbështetur në disa parime, në parimin e gjithëpërfshirjes, atë të të mësuarit teorik dhe praktik, organizimit të nevojave të tregut të punës dhe ekonomisë së ardhshme dhe parimin e zhvillimit të edukimit në karrierë dhe kalimit në të mësuarit gjatë gjithë jetës

Ndërsa, Sekretari i Përgjithshëm, Xhavit Dakaj, bëri të ditur se Ligji për Arsimin e të Rriturve dhe Ligji për Arsimin dhe Aftësimin Profesional të Kosovës pritet që të dërgohen për miratim në Qeverinë e Kosovës kah gjysma e këtij muaji.

Procesi i rishikimit po bëhet në bazë të nevojave të brendshme për ndryshime dhe në bazë të rekomandimeve që kanë dalë nga Raporti i Progresit i Komisionit Evropian .

Këto ndryshime kanë për qëllim edhe harmonizimin e akteve normative me Kornizën Kombëtare dhe Kornizën Evropiane të Kualifikimeve, por edhe Kurrikulën e re të Kosovës dhe dokumenteve tjera strategjike zhvillimore të arsimit.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)