04 Shkurt 2023

Nxënësit kundër grevës, kërkojn nisjen e mësimit me 1 shtator

Prishtinë, 22 gusht - Grupi përfaqësues i fëmijëve “Respect Our Rights” – ROR kërkon nga Ministria e Arsimit, Shkencës, Teknologjisë dhe Inovacionit (MAShTI), që të veprojnë në mënyrë urgjente për të shmangur një grevë të përgjithshme në arsim.
 
"Ne grupi i fëmijëve “Respect Our Rights – ROR” shprehim shqetësim të madh për situatën e krijuar në arsim, si pasojë e vonesave në miratimin e Ligjit për Paga dhe vendimit të Sindikatës së Bashkuar të Arsimit dhe Shkencës së Kosovës (SBAShK) për grevë të përgjithshme në të gjitha institucionet edukativo-arsimore në Kosovë", thekson ROR
.
Si zë përfaqësues i fëmijëve në Kosovë ROR vlerëson se një grevë e përgjithshme në arsim ndikon negativisht te nxënësit.

Fillimisht, greva sipas tyre u mohon fëmijëve të drejtën për arsim, të garantuar nga Kushtetuta e Republikës së Kosovës dhe konventat ndërkombëtare.

Greva, gjithashtu, ndikon negativisht në shëndetin mendor dhe psikologjinë e vefëmijë.

"Ajo na pamundëson të kthehemi në shkolla në datën standarde – 1 shtator, ndërsa u pengon fëmijëve edhe më të vegjël, në arsimin e hershëm, që të vijojnë me procesin e shoqërimit dhe mësimit bazik në çerdhe", konsideron ROR.

Duke marrë si precedent rastet e mëparshme të humbjes së ditëve të mësimit si pasojë e veprimeve sindikale, shkollat pritet të zëvendësojnë orët e humbura gjatë ditëve të fundjavës, duke shkaktuar mbilodhje dhe stërngarkim te nxënësit, gjë që ndikon në cilësinë e mësimnxënies.

ROR konsideron se MAShTI ka detyrim ligjor-kushtetues që t’u garantojë fëmijëve shkollim efektiv dhe cilësor, andaj ne presim që ky detyrim të përmbushet, në përputhje me normat dhe afatet standarde arsimore.

"Ne u bëjmë thirrje MAShTI-t dhe SBAShK-ut që të angazhohen në dialog social për të zgjidhur këtë çështje, dhe jo të na dënojnë neve për shkak të mosmarrëveshjeve të tyre", deklaron ROR.

ROR gjithashtu thekson se mban qëndrim neutral sa i përket diskutimeve për Ligjin e Pagave dhe kërkesave të SBAShK; dhe u apelon të gjithë mësimdhënësve që të mendojnë për të mirën e përgjithshme, dhe në veçanti për nxënësit. 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)