07 Shkurt 2023

Në përvjetorin e UP-së ndahen mirënjohje për studentët e dalluar

Prishtinë, 15 shkurt - Në përvjetorin e 52-të të Universitetit të Prishtinës “Hasan Prishtina”, studentët e dalluar të njësive akademike të UP-së u shpërblyen me mirënjohje për rezultate të shkëlqyera gjatë studimeve. Mirënjohjet u shpërndanë gjatë një ceremonie simbolike organizuar për studentët në rektoratin e UP-së.

Për suksesin e treguar, studentët u përgëzuan nga rektori, prof. dr. Naser Sahiti. Ai theksoi që përvjetori i UP-së është ditë shumë e rëndësishme dhe pranimi i mirënjohjeve për sukses të dalluar për studentët në këtë ditë, sigurisht është një moment shumë i veçantë. “Veçantinë e këtij momenti e shton edhe fakti që ceremonia po shënohet në rrethana jo të zakonshme, andaj jam i bindur që pranimin e titullit të studentit të dalluar do ta keni gjatë në kujtesën tuaj,” tha rektori.

Studentët e dalluar janë:

Jonë Maliqi - Fakulteti Filozofik   

Duart Nishefci - Fakulteti i Shkencave Matematike - Natyrore          

Latra Gashi - Fakulteti i Filologjisë            

Elsa Osmanaj - Fakulteti Juridik  

Ujesa Ilir Zogaj - Fakulteti Ekonomik

Valmir Lokaj - Fakulteti i Ndërtimtarisë        

Erlis Kushtaku - Fakulteti i Inxhinierisë Elektrike dhe Kompjuterike

Rinor Lubovci - Fakulteti i Inxhinierisë Mekanike

Erion Bytyqi - Fakulteti i Mjekësisë  

Anila Aliu- Fakulteti i Arteve           

Flaka Ilazi - Fakulteti i Bujqësisë dhe Veterinarisë      

Diellza Rushiti - Fakulteti i Edukimit Fizik dhe Sportit      

Elona Zeqiri - Fakulteti i Edukimit             

Taulant Haxhiu - Fakulteti i Arkitekturës          

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)